[AbOnOrA]

المشاركة الأصلية كتبت بواسطة husseinoo السلام عليكم ورحمه الله وبركاته ------------------------------- بعد التحيه لجميع الاخوه فى هذه المنتدى الرائع ...... يوجد عندى اكثر من سؤال ... خصوصا انى راجل غلبان ولا يوجد عندى اى خبرة فى السيارات من قريب او بعيد ... المهم هاكتب كل اللى بيدور فى راسى وانتم وشطارتكم معايا : قرات مشاركة لاحد الاصدقاء قيمة جدا بخصوص شراء سيارات جديده من التسعينات وكانت ملاجظاته رائعة جدا ... اما بخصوص السيارات المستعمله من الثمانينات لم يتعرض لها المهم ملخص ما اريد ان اعرفه هو: ما هى السيارات المناسبه فى حدود من 14000 الى 21000 ؟ دايماً الانسب هو الاقرب لاحتياجاتك وطبيعة استخدامك وفى المستعمل الانسب حسب الحالة فحضرتك افضل متتقيدش بالبحث عن سيارة معينة قد ما تدور على الانسب لامكانياتك والافضل فى الحالة والاعلى فى سنة الموديل وبعدين تشوف مدى انتشارها وتفاصيل تكاليف تشغيلها هل السيارة ماذدا 323 قطع غيارها متوفره وهل سعرها غالى ام رخيص وهل لها ميكانيكيه مخصوصين ولا اى ميكانيكى يفهم فيها وهل هى مناسبة لشخص مبتدأ فى القيادة وهل هى مناسبة لاسرة دخلها بسيط ام شراءها يمثل مشكله وعبء على الاسره ..... يعنى الافضل شراءها ولا شراء سياره مثلا فيات البعض دائما يذكر ان الفيات 128 صديقة الميكانيكى ... ونصيحة للغلبان انه يبعد عنها عشان يرتاح ما صحة هذه المقوله ما هى السيارات اللى معظم الميكانيكيه بيفهموا فيها ؟ السيارات الاكثر انتشاراً فى الاوروبى زى عائلة الفيات القديم وماشابه زى الشاهين والدوجان والمرسيدس القديم والبى ام القديم وفى اليابانى المازدا القديم وماشابة زى الكيا فى بداياتها والمتسوبيشى القديم وماشابة زى الهيونداى فى بدايتها وجنيرال موتورز - اوبل القديم وماشبة من دايو شيفرولية فى بدايتها والسوزوكى القديم والتويوتا القديم الحاجات ديه هى اللى اتربى عليها جيل الميكانيكية الحالى واساسيتها وتقنيتها متقاربة لكن دايماً فيه فرق بين صنايعى فاهم العربية عامة وواحد تانى اشتغل فى العربية كتير وعندة خبرة فيها ما هى السيارات اللى لها ناس معينه بيفهموا فيها ؟ الاوربى عامة والستروين والرينو والاوبل خاصة ما هى السيارات اللى اسعار قطع غيارها غالى مع عمر افتراصى كبير ؟ الالمانية واليابانية عامة ما هى السيارات اللى قطع غيارها رخيص مع عمر افتراضى قليل الاسيوية عامة وبالاخص الكوري 80سنوات - 90 موش عارف فيه كلام كثيير قوى فى دماغى خصوصا للسيارات القديمه فى حدود 20 الف جنيه ... بعد مناقشه الموضوع معاكم ان شاء الله اعتقد ان موش انا اللى هاستفيد من معلوماتكم القيمة فقط ... ولكن ان شاء الله يكون موضوع هام لكل الاسر البسيطة التى ترغب فى الشراء ... وتكون مرجع لكل مبتدأ قبل الشراء ... ربنا ييسر لكم الاحوال ربنا يخليكم وفى انتظار اجاباتكم مع اطيب التمنيات حسين غزالة

اهلا بيك يا استاذ حسين وشكراً على مشاركتك المفيدة

انا حاولت فى الاقتباس ارد سريعاً على بعض الاسئلة ياريت اكون قدرت افيد حضرتك وباذن الله باقى الاعضاء هترد بشكل اشمل وافضل


ptmnlo123per122