[miam0502788391]

المشاركة الأصلية كتبت بواسطة خالدخليفة شىء يـفـرس ان مبارك بسلامته يوم 12 فبراير يعنى بعد التنحى بيوم كلم ملك السعودية وقال له انا عايز احول 20 مليار دولار (أه والله دولار) على بنوك السعودية والأمارات .......والملك عبد الله كتـر خيره مكدبش خبر وساعده فى الحكاية دى ( رغم انه قرب يموت وكان بيموت اليومين اللى فاتو ......هيقول ايه لربنا بس .....لما يسأله عن استضافته للحرامية والمطاريد من بلادهم ) لكن اللى يفرس وخلانى نسيت جميع المعلومات اللى قبلها ان مبارك اتصل بحد فى اسرائيل وصله بمؤسسة مالية اسرائيليه سحبت فلوسه من بنك باركليز مصر هذا البنك حول لبنك اسرائيلى فى سويسرا تقريبا مبلغ 620 مليار دولار أه والله الرقم قاله المسلمانى كده وترجمه بالمصرى الى 3.5 تريليون جنيه يعنى 3500 الف مليون جنيه يعنى 3500 وكمان تحط جنبها 9 أصفار

حتى لو هذا الكلام اشاعة وغير صحيح ومبالغة زى ما البعض قال الا انه برضه غير مستبعد الحدوث يعنى بالبلدى كده اذا كان حضرتك ( مش انت يا استاذ خالد) مش مصدق هذا الكلام طيب ايه اللى يخلينى اكذبه ولو حتى فى جزء منه يعنى مثلا العشرين مليار دولار ممكن يكونوا 2 مليار و620 ممكن يكونوا 62 بس يعنى فى كل الاحوال هى سرقة وسرقة لأموال الشعب , ويا حبايبنا اللى قرأناه عن حسنى مبارك بعد ما تنحى يخلينا نصدق فيه اى حاجة دلوقتى وحتة الوطنية وآخر قطرة من دمى وهموت هنا واندفن فى ترابها كله كلام اونطه وللإستهلاك الاعلامى الشعبى
وانا هديكوا مثال ( ده مثال فقط) الكلام اللى قاله محمود صبرة واللى كان شغال فى رئاسة الجمهورية عن انهم كانوا بيطبعوا نسختين من التقارير واحدة للرئيس والتانية لجمال مبارك من سنة 1997 , طيب نسخة لجمال مبارك ليه شغلته ايه فى الدولة ولا عشان هو ابن الرئيس وخلاص بقت مصر عزبة ابوه , بذمتكوا واحد زى حسنى مبارك هذا عاوز يورث البلد لابنه ممكن يكون امين على الدولة وعنده فعلا وطنية