علمت الموضوع فى المنتدى العام لتعم الفائدة
هشرحلكم انهاردة طريقه عمل مفتاح فصل للفيرنا خطوة خطوة
هنعمل المفتاح على سلك بتاع كتاوت طرمبة البنزين
الاول انا الموضوع ده كان شاغلنى جدا جدا من زمان و طبعا بعد الاحداث الجديدة الواحد قال مابدهاش نعمله و اللى يحصل يحصل
كان الخوف فى الاول من انى اجيب مفتاح مايتحملش الكهرباء اللى ممكن تفوت فيه ( انا فكرت فى طرمبة البنزين لان ماينفعش يعتمل على الموبينه لان الموبينه عندنا نصيين يعنى لو فلت سلك منها العربيه هاتدور برضوا بس شغاله على بوجيهيين فقط )
بالتالى فكرت فى طرمبة البنزين و كانت الفكرة انى كل ما بروح فى مكان مش امان كنت بشيل كتاوت طرمبة البنزين من مكانها للاطمئنان
لحد مازهقت من الحوار ده كل شوية انزل و افتح الكبون و ارجع تانى
فقولت ليه ما اعملش زرار على الكتاوت على طول و قد كان
فكيت علبة الفيوزات و جيبت القاعدة بتاعه كتاوت الطرمبة و شوفت السلك الارضى بتعها مالقيتهوش
يعنى الارضى بتعها عموما
اتارى الارضى بتعها مشترك مع ارضى كذا حاجه تانيه
طيب اعمل ايه الكتاوت ب 4 رجول بصيت لقيتهم 1 احمر و تخين ده اكيد كهرباء عمومى 2 روز و تخين برضوا يبقى ده اللى داخل للطرمبة
الثالث مش فاكر لونة بس كان رفيع شوية و الرابع لونة رمادى فى اسود و ده ارفعهم
انا اخترت الرمادى فى الاسود لانه خفيف قوى و باين ان ماعليهوش حمل كبير خالص و بالتالى اوصل على مفتاح تكه واحده و انا مطمن
مشيت وراء السلك ده من قاعدة علبة الفيوزات انا مش عاوز اقطع من داخل العلبة لحد ملاقيت اوله من خارج العلبة و قمت قاطع السلك و قد كان العربية مش بتدور خالص مالص
قومت جايب 5 متر سلك 1 مم و ايتديت الشغل و الحمد لله النتيجه مرضية
للى عاوز يعرف مكان السلك على طول علشان مايفكش علبة الفيوزات و وجع القلب ده
لما تشيل غطاء علبة الفيوزات على طول هتىفى فيشة بيضاء داخله العلبة الفيشة دى علبارة عن صفين سلوك
هو 3 سلك من الشمال فى الصف الاول و لونة رمادى فى اسود
اسمحولى احتفظ بمكان المفتاح لنفسى و انا معاكوا للاى سؤال