المشاركة الأصلية كتبت بواسطة hisham853
اهم حاجة الثقة بالنفس و لكن بدون تهور
و اقتراح ان واحد صاحبك يمشي معاك ساعة في اليوم ده اقتراح كويس و ابدا في الاوقات اللي تكون فيها الشوارع فاضية الصبح بدري اوي او متاخر ليلا و في البداية طبعا يستحسن انك تبدا في حته فاضية خالص
و ما تقلقش خالص السواقة دي ما فيش اسهل منها و بعدين السواقة لو كانت صعبة كانت البشرية دي كلها اللي انته شايفها سايقة اتعلمتها
قليل من المثابرة و كثير من التركيز تبقي استاذ سواقة و هتفتكر الايام دي و تضحك عليها
طبعا التعليم علي العربية الملاكي افضل لانك هتسوق ملاكي مش نص نقل مع ان الفروق بينهم بسيطة
الموضوع لو ساعة يوميا مع حد بيسوق كويس اعتقد ممكن مش ياخد اكتر من اسبوع يمكن اقل كمان
و في النهاية ارجو لك التوفيق و ابقي قولنا عملت ايه
|
شكرا جزيلا يا استاد هشام وانا ح اسمع رايك وربنا يوفقني يارب وح اعمل موضوع شكر لكل من شارك في التوبيك ان شاء الله وارفعلكم فيديو او صور وانا سايق وشكرا مرة اخري