موضوع جميل ،،
و لو حكيت مواقفي المضحكة مع العربيات مش هاخلص ،،
بس ماشي نبتدي ،،
مرة كان عندي عربية 128 ،،
و انا كنت ساكن في حته مقطوعه ،،
المهم نزلت ادور مبتدورشي ،،
اجرب و اعيد و ازيد مفيش فايدة ،،
المهم روحت جبت ميكانيكي بعربيته من اخر الدنيا ،،
فضل يجرب و يحاول و يحط كل الاحتمالات و مفيش فايدة بتاع تلت اربع ساعة
و هوا فاتح الكابوت و عايش و انا جوه الهربية و هاطق
و هوووب افتكرت المفاجأة
كان معمولها مفتاح فصل
ابص عليه الاقيها مفصولة
بصراحة بقيت في نص هدومي مش عارف اقول ايه للميكانيكي
قمت رافع الزرار ، طبعا العربية دارت ،،
و الميكانيكي هلل و فرح و ايتدي يشرحلي ازاي و صل للمشكلة و حلها
مردتشي احرجه و كمان احرج نفسي قلتله الله ينور
و طبعا حاسبته عادي جدا علي الاقل عشان وقته اللي ضاع
و لسه فيه مواقف تانية
ليا عودة