اتحدى واحد يقول ان الشباب
الثورجى اللى قايم نايم بالتحرير
اللى بيغنوا النشيد المعروف
للمناضلة داليدا -- ورانا ايه --
اى مسؤلية و الموضوع بمزاجهم
و اللى عايز شغلانة هيلاقى والله
المشكلة فى شروطه هو
لانه عايز باص مكيف ياخده من باب البيت
و عايز لما يروح الشغل
يشتغل حاجة سهلة
او ما يشتغلش و يرجع بعد ساعة
او اتنين بالكتير و بمرتب من الف لفوق
و طبعا مرتبه من دم الشعب
و طبعا عيب لو يشتغل نجار
ولا كهربائى ولا سمكرى
ولا بائع ولا حداد ولا تاجر
والله بيكسبوا اكتر من اى حد
و انتوا قطعا تعرفوا ده كويس
و المقابل المادى
تطلبه بعد ما تكتسب خبرة
و اكيد هايكون احسن من الياهو
و الفيس بوك و ما شابه
الرسل كانوا اصحاب مهن مش موظفين
و اغنى الاغنياء حاليا متخلقوش كدة
و ذى المهنة
شهادته تفوقك فى بعض الاحيان
و ذكائه و مهاراته تفوقك ايضا
فماذا ينقص هؤلاء المتواكلين
يجب الا ينظرون للعمل بالحكومة
لانهم اذا التحقوا كلهم بالعمل بالحكومة
سوف ياتون مرة اخرى لهذا الميدان التعيس
ليشكون مرارة المقابل المادى و عدم التثبيت
ومشاكل اخرى ربنا يعلمها و هكذا
ثم يصبحون مجردين الخبرة العملية
ولا الكفاح و الانتاج دلوقتى بقى من خلف المكاتب فقط
ابتكروا انتجوا تنهضوا
بصوا للصين اعلى انتاج فى العالم
مافيش حاجة اسمها ميرى و تراب الميرى
الكل يسعى لتحقيق هدفه
اللى عايز يتقدم مش محتاج عون
وانا واحد من الناس مش عايز دخل بلدى
بعد ما كان بيروح لمسؤل فاسد
يروح للاعداد الغفيرة من الشباب الفاسد
و المفروض الاقيه فى دعم الرغيف
ودعم الطرق البايظة و انارتها بقى
ودعم التعليم الفاشل و تقصير مدة الاجازة الكبيرة
ودعم الزراعة المنتهكة الاراضى و توسيعها
و دعم الايجارات المبالغ فى ارقامها
و دعم التامين الصحى
و دعم الاسكان
و دعم المعاشات و الارامل و العجزة
و دعم المشاريع الشبابية الصغيرة
و دعم مياه الشرب الغير ادمية
و دعم المرتبات للى يستاهل ياخد مرتبات منهم
و دعم توصيل المرافق كالصرف و مياه الشرب و النور
و دعم ترميم البيوت الموشكة على الانهيار
و دعم السلع الغذائية الاساسية
و بعدين نبقى نبص على حاجات تانية مثل--------
توصيل الانترنت لجميع الانحاء
الحرص على وجود الملاعب و مراكز الشباب
نشر الحدائق و المتنزهات
تنظيف النيل و ما حوله و الشوارع و المبانى و طلائها
و بعدين نبقى ندعم البحوث العلمية المفيدة
فى الزراعة مثلا
مش فى كيفية الصعود للقمر
و بكدة تكون لينا اولويات مرتبة
و اولها مرواح الثورجية الحلوين مش لبيوتهم لأ
للبحث عن شىء يعملوه ويفيدوا الناس بيه و بالتالى
ياخدوا فى ايديهم بتوع الترمس و الفيشار و الرز بلبن
مستعد للنقاش
ابو يمنى