( مساند الرأس ) فى الرينو لوجان إتغيرت فى الموديلات الجديدة .
( بــــــــــســـــــــــــ ـــم الله الرحــــــــــــــــــمن الرحـــــــــــــيم )
يا جماعة أنا كنت عايز أستفسر على حاجة محيرانى شوية قبل ما أشترى العربية
أنا ناوى أولاً ( إن شاء الله ) أجيب الفئة E1 نصف الكماليات ....
أنا كنت ملاحظ فى الموديلات إللى قبل كدة كان فى الكنبة إللى ورا كان فيها ثلاث مساند للرأس .... , دلوقتى بقى إللى بشوفوا فى العربيات إللى موجودة فى الشوارع هما مسندين فقط للرأس ....
هل هذا يعنى إن الموديلات بتاعت ( 2009 , 2010 ) كانوا نزلين بثلاث مساند للرأس وموديل ( 2011 ) نازل بمسندين فقط .
ياريت ياجماعة حد يفيدنى فى الموضوع دة لأنى قلقان شوية لأن مكتوب من مواصفاتها ( ثلاث مساند للرأس فى الخلف ) وإللى بشوفوا هما إثنين فقط ....
وكمان فى الفئة ( جميع الكماليات E2 ) نفس الموضوع بمسندين فقط فى الخلف ....
* والعربية كمان ثمنها زاد بقى ( ب 67000 ألف جنية مصرى ) ولما تسألهم سبب الزيادة يقولك طبعاً ياباشا عشان سعر الدولار إرتفع . ( وهية دى الشماعة إللى بيعلقوا عليها نصبهم فى الأسعار ) . والعربية جميع الكماليات بقت ب ( 71000 ألف جنية )
بجد حرااااااااام على التجار المستغليين دول .
وفى حاجة تانية أنا نفسى حد يفيدنى فيها أيضاً من إللى إشترا العربية دى .
* أنا عرفت إن ال ( CD Player ) بتاع العربية مش ( MP3 ) لاكن ( Audio )
ياريت أى حد من إللى إشترا العربية وجرب الإسطوانات يقوللى إيه نوع صيغة الAudio بتاع العربية عشان لما أحب أنسخ إسطوانات للعربية من الكمبيوتر لازم أبقى عارف إيه نوع الصيغة إللى أحول عليها الملفات الصوتية .
أرجوا من أعضاء المنتدى الكرام أن يفيدونى فى الموضوع دة ولكم جزيل الشكر لأجمل أعضاء رأيتهم فى حياتى .
شــــــــــــــــــكـــــ ــــــــــــــــــراً
|