المشاركة الأصلية كتبت بواسطة محمد فاضل
هو حضراتكم خلصتوا علي الشرطه وداخلين علي الجيش
بدأنا نسمع "فرعون جديد " وقرطسه وسطو ونقص ....
وياتري بعد كده هتقولوا علي الجيش كمان ...
بقي احنا واقفين في الشارع ليل ونهار ومفيش نوم الا 4 ساعات وجوه الدبابه
وكمان لما انزل اجازه 3 ايام وادخل علي النت واشوف كلامكم علينا يجيلي احباط اكتر
دا ايه المنحني الخطير اللي احنا نازلين فيه ده
|
يا أستاذي ربنا يكرمكم ويباركلكم على مهامكم العظيمة وإخلاصكم
الإحباط ممكن يحصل لما الثورة تنام وتنتهي قبل تنفيذ مطالبها
هنا يكون الإحباط
لكن طالما الشعب صاحي لأي محاولة للإلتفاف على الثورة يبقى مفيش إحباط
المشاركة الأصلية كتبت بواسطة محمد فاضل
يسقط النظام وكلنا كنا مؤيدين ده
|
كلنا مؤيدينه
لكن هل حصل بالفعل
لا لم يحصل
مازال حديث وزير الداخلية الجديد يرن في أذني بأن الشرطة بريئة تماماً وأن الشهداء ماتوا لأي سبب آخر غير الإصابة برصاص القناصة
وأبو الغيط رمز النظام البائد في الخارج مازال يتراقص أمامنا ويمثل مصر في الخارج وكأن الثورة مغفلة وتم إستحمارها
رئيس الوزراء شفيق الذي عينه الرئيس المطرود مازال مصر على بقاء نفسه وينادي أنا التاريخ أنا حاربت ومت
لو كان إستقال من قبل كان زاد إحتراماً لدى الجميع
لكنه ظل حتى النهاية يوم أمس متشبث في الوزارة رغم إعترافه بأن الوزراء بعضهم فرض عليه من طنطاوي
الثورة قالت إسقاط النظام يبقى إسقاط النظام بكل ذيوله
والمجلس العسكري ينفذ إذا كان كما يقول لم يسرق الثورة
أما إذا كان يعاملنا على أنه سرق الثورة والتنفيذ بمزاجه (وهذا لن يحدث بإذن الله) فلن نجلس في بيوتنا
المشاركة الأصلية كتبت بواسطة محمد فاضل
تعديل الدستور وانتخابات حره ومين مش عايز كده
|
المطلوب تغيير الدستور ليتم البناء على أرضية سليمة
أما الدستور المرقع فلا يصلح أساساً سليماً
المشاركة الأصلية كتبت بواسطة محمد فاضل
انما توصل للمجلس العسكري وسياده المشير .. يانهار اسود بقي بعد ده كله نوصل للدرجادي
|
الثورة علمتنا نه لا يوجد رجل فوق المسائلة
معدش فيه كلمة زي إلا الريس
ومعدش في خطوط حمراء أمام أناس معينين لا يحاسبوا ولا يراجعوا في تصرفاتهم
المشير له مني كل الإحترام بصفتي من رجال القوات المسلحة سابقاً
وله جزيل الشكر بعد شكر الله تعالى على إنضمامه للثورة
لكن أعيننا على أدائه لا تطرف
وأي محاولة للتقليل من مطالب الثورة غير مقبولة
وإصراره على بقاء بقايا وزارة مبارك كان خطأً كبيراً
والحمد لله أنه غير شفيق اليوم
وأتمنى من الله أن يتم تغيير الوجه القبيح لوزارة الخارجية وهو أبو الغيط ولا أفاجأ بإسمه في حكومة عصام شرف
وصدقني لو لم أجد داعي للنزول يوم الجمعة للتظاهر لن أنزل
أما إذا تحول الأمر لإقالة شفيق ووضع شرف وفي النهاية أبوالغيط ووجدي مكانهم
فهذا سيجعلني أنزل للتحرير لأقول للمشير طنطاوي أت تسير في الإتجاه الخاطيء
وعليك بتعديل المسار لو كان وقوفك بجوار الثورة صادق
وبخصوص قول المحترم الفريق شفيق إنه يعتقد أن طنطاوي أصر على بقاء أبو الغيط ومرعي لأنه يستفيد من خبرتهم
فأقول للمشير إجعلهم مستشارين لك ولكن لا تفرضهم علينا وعلى الثورة وعلى مصر في التشكيل الوزاري
المشاركة الأصلية كتبت بواسطة محمد فاضل
انا شايف ان الشعار القادم " الشعـــــــــــــــــــــ ــــــب يريد اسقاط الشعـــــــــــــــــــــ ـــب"
|
الثورة بالغة عاقلة راشدة وليست حمقاء
والمشير طنطاوي يعل ذلك جيداً
فعليه أن ينفذ المطالب اساسية بلا إبطاء أو عناد أو إلتفاف