رد: تابع المفاجاة
انا خايف على ملاك السيارة بشكل اساسي
التوكيل على ما اسمع باع 500 سيارة فقط لحد دلوقتي
عدم انتشارها بيؤدي الى عدم توافر قطع غيارها خارج التوكيل و جوه التوكيل بعض القطع مش متوفرة
ملاك السيارة مش حاسين بالمشكلة دي نظرا لجودة التصنيع (على ما اعتقد ) التي تنفي الاحتياج لقطع الغيار حاليا
لان العربية اقدم سيارة فيها مكملتش سنة او 45 الف كيلو
بس بعد سنتين او 3 لما العربية تفتح بقها حتبقى بهدله
زي العربيات الصيني اول ما نزلت سنة 2005 الناس قعدت تقول مالها , ماهي شغاله زي الفل اهي, و اوبشن و سرعة و ناعمة
بعد 3 سنين بانت الدنيا و العربيات اللي كان توكيلها ذكي انتشرت و توفرت قطع غيارها في كل حته و حافظت على سعرها نسبيا
و العربيات اللي توكيلها غبي (حتى لو كانت افضل كخامة ) ملاكها ملقولهاش قطع غيار و اتبهدلوا و قعدوا يفبركوا لعربياتهم قطع غيار و في الاخر اللي باع باع باقل من نصف الثمن
الخوف من بعد سنتين مش دلوقتي خالص
|