[dr_eslam_66]

بص ياباشا أنا هحاول أقولك على وجهة نظري على الأقل.
أولا أنا شايف التيدا والصني نفس الفئة ولا يوجد أي فرق بينهم بس نجي لنقطة مهمة التيدا أساسا عربية هاتش باك بينزل منها صالون والصني صالون بس وأنا أتخيل إنهم نزلوا من التيدا صالون علشان يغطو حاجة معينة هقولك عليها.
أولا الصني موديل قديم قوي من صني ولسة بينتج لحد دلوقتي آآه هيا شكلها بيتغير بس على الأقل في مصر زي ماهيا من سنين والناس بدئت تبعد عنها بسبب الشكل أو القدم فا نزلوا الصالون من التيدا علشان يعوضوا جزء المبيعات الي بدأ يتسحب من الصني.
تعالى بقى لأهم دلوقتي التيدا عربية هاتش باك شيك جدا وجميلة والأزواق تختلف من شخص للآخر.
بالنسبة للصالون من التيدا أنا شايف إني شكل الشنطة مش حلو فيها أو مضافة عليها وشكلها غريب عنها.
المقارنة بقى بين التيدا الصالون والصني: أولا هما آه نفس الفئة بس التيدا أجود من حيث الحداثة والتقفيل لأنها ياباني مستورد مش ياباني متقفل بس مع دا كله ماينفعشي تقارنهم ببعض بص على فرق السعر بينهم وأحكم.