رد: قرارات عسكرية : استفتاء الدستور اول ابريل والبرلمان يونيو والرئاسة اغسطس... نفذ واتظلم
يعني احنا المفروض نستخدم الدستور المشوه .. اقصد المعدل .. علشان نعمل بيه مجلسي شعب و شورى و نختار رئيس جمهوريه لمده 4 سنين ..
وبعد كده بقى على مهلنا بقى نعمل دستور جديد بالطقم اللي تم اختيار بالدستور المشوه
طيب لو الدستور الجديد اشترط بند يتعارض مع تواجد الرئيس المنتخب ... مثلا مثلا يعني اشترط حد اقصى للسن و سيادته كان معدي
او مثلا تغاضى عن شرط موجود حاليا ... زي مثلا جنسيه الزوجه ... نقوله شكرا على كده حنشوف واحد يتوافق مع الدستور الجديد و لا حنعطل العمل بالدستور لحد ما يعدي فترته بالدستور المعدل
وبعدين مين هما اللي حيرشحوا نفسهم لمجلس الشعب ... وحننتخبهم بناء على ايه ..
ولا هما المرشحين حيطلعوا في يوم و ليله .. وساعتها يا تنتن .. يا تنتون .. واشربوا بقى !!
الجيش لو مستعجل يفض ايده يعمل حكومه ائتلافيه .. او تكنوقراط .. او مجلس رئاسي ...
لمده سنه ...
او حتى ننتخب رئيس مؤقت لمده سنه بالستور المعدل مع تقنين صلاحياته و سلطاته لحد ما نعمل دستور جديد .. يعني يكون رئيس فدائي عارف انه جاي لمده سنه يعوم البلد بسلطات تنفيذيه وبدون سلطات تشريعيه وبعد كده نقوله شكرا كتر خيرك سلم الدفه
متهيألي اختيار الرئيس حيكون اسهل من انتخاب البرلمان ... خصوصا لو فعلا عايزينها سلطه برلمانيه و دوله مؤسسات مش افراد
جايز الناس مستعجله و حاسين ان البلد متستحملش سنه ...
لكن نبتدي بدايه صحيحه ... احسن ما نتعك لمده اربع سنين و نرجع من نقطه البدايه تاني .. اذا عرفنا نرجع تاني ....
عموما الديمقراطيه الحقيقيه برأي الاغلبيه .... بس محتاجين قرصات توعيه سياسيه مكثفه و جرعات نزاهه و حقن ضمير حي ... و ربنا يسترها على البلد
وانا مع الاغلبيه حتى لو على رقبتي .. امال تبقى ثوره و حريه ازاي ... حريه وطن .. مش حريه فرديه
__________________
من تواضع لله رفعه The ultimate car would be designed by Italians engineered by Germans built by Japanese &
|