[hima elgmal]

بسم الله الرحمن الرحيم

اولا احب اشكر كل الاشخاص الذين قاموا بالرد على اسألتى عن موضوع صيانه 5000
اخيرا روحت وعملت صيانه 5000 للوجان بعد العديد من التردد والقلق من موضوع ان العربيه تدخل التوكيل لوحدها وبعد ما قمت بسؤال العديد من الافراد عن امكانيه الدخول معها والرد كان انسى يا معلم فتوكلت على الله وروحت التوكيل وانا حاسس ان ابنى رايح اول يوم للمدرسه وروحت التوكيل الى فى سموحه والسبب انى قولت ده اقرب المهم اول مادخلت استقبلنى رجل وطلب منى رخصه العربيه والكتاب بتاع الضمان(الكتاب الاصفر) وبعد كده سالنى عن اى شكوى وكتبها وجاء شخص قام بوضع كيس غلف به كرسى السائق وبلاستيك على الدركسيون واخر على الفتيس كى لا يتسخ ايا من هذه الاشياء وجائت اللحظه وقال اتفضل استريح واستنيت فى الاستراحه لحد ما تخلص وبعد حوالى ساعه تقريبا جائت اللحظه وندو على اسمى وطلعت ولقيت اللوجان مستنيانى وبعد كده جت مهندسه فى غايه الاحترام والاخلاق وقالتلى ان كل حاجه حضرتك طلبتها اتعملت وان شاء الله مفيش مشكله واتاكد حضرتك وفعلا كل حاجه والحمد لله خلاص وهى اصلا كانت حجات بسيطه وقالتلى ان العربيه اتشيك على كل حاجه فيها والعفشه اتاكد عليها وكمان غسلوها بس الشيئ الوحيد الى مش موجود هو ان فى عندى مشكله ان فى زى خط طيف فى الزجاج الامامى ولما سقلت قالو للاسف الموضوع ده لازم يتعمل فى العامريه بس عموما الناس محترمه جدا وبيهتموا بكلامك جدا وبتحس انهم بيحترموك وده الشيئ الى اسعدنى جدا وتمت بحمد الله صيانه اللوجا
وحبيت اكتب الموضوع ده علشان اى عضو من اعضاء المنتدى الكرام ممكن يسال عن صيانه اللوجان واى شخص يحب يسال عن اى شى يامر واسف جدا على الاطاله وشكرا