رد: النيابة العامة المصرية تتهم نصر الله بالتحريض لأعمال عدائية
السلاح الايراني في حرب العراق كان امريكي ...
لكن بعد كده ايران ملاقتش قطع غيار للسلاح ..
وكانت المعده اللي تبوظ يفكوها لقطع غيار يشغلو بيه بقيه المعدات
السياسه لعبه قذره .. و مفيش حاجه اسمها صديق وعدو ... صديق الامس ممكن يكون عدو اليوم و حليف الغد
السياسه مصالح ...
كل دوله بتلعب لمصلحتها او لكيانها ...
ايران عايزه دور محوري و سيطره على المنطقه ... و قطر نفسها تكبر ... و امريكا عايزه العالم تحت رجليها .... و البترول في جيبها
ومصر ....
مصر بلد الموظفين ... وكل موظف بينفذ التعليمات .. و التعليمات هدفها المحافظه على النظام ... و النظام معمول لحمايه الكرسي .... و الكرسي مينفعش يقعد عليه الا واحد بس ...
فملوش اي معنى اننا النهارده نتكلم عن دور مصر في المنطقه...
لأنه انتهى من بعد عنتريه عبد الناصر ... وتغير تماما بسياسه المكر و الدهاء للسادات ...
وبعد تفكك الاتحاد السوفيتي مفهوم اللعبه اتغير .... مبقاش فيه قطبين بيلعبو ... وبالتالي مبقاش فيه فريقين ... كله بيلعب لنفسه دلوقتي ...
و ماتش الكوره بقى دور بوكر .... خداع و مكر و تمويه .... اظهار عكس الحقيقه و المراوغه ...
والشاطر اللي يقش .... والغلبان اللي يفضل في اللعبه من غير ما يخسر ...
يمكن يكون ده دور مصر ... البقاء في اللعبه دون خساير ... ومحاوله المكسب ان امكن ... حتى لو كان متأخر او زهيد ... لكن الاستراتيجيه هي عدم الخساره اولا و اخيرا ... و المحافظه على .... الكرسي
__________________
من تواضع لله رفعه The ultimate car would be designed by Italians engineered by Germans built by Japanese &
|