اقتراحات لحل المشاكل المرورية فى مصر و نحاول نستفيد من الحماس الشعبى بعد الثورة
بسم الله الرحمن الرحيم
احب ابدأ موضوعى بجملة "و كل يغنى على ليلاه"
طبعا حضرتكم ملاحظين الروح الايجابية اللى مرتفعة دلوقتى اكتر من اى وقت فى التاريخ المصرى الحديث اللى ممكن نستخدمها لعلاج كثير من الأشياء اولا استماع المسؤولين للشعب بشكل ممتاز
ثانيا استعداد ملايين الناس للأستجابة
عاوزين نعمل مقترحات و نحاول نجهز ملف محترم للمرور و ازاى نعالج مشاكله و ازاى ممكن نعيد تأهيل السواقين و الشوارع من جديد!و نقدمه فى الوقت المناسب و طبعا مش دلوقتى خالص شوية كده لما البلد تستقر
و انا ليا 2 مقترح
1-انشاء مدارس مرورية (زى المدرسة العسكرية كده) و يكون التأهيل فيها أجبارى
بمعنى كل الناس اللى معاها رخص تروح تحضر مثلا 1 او 2 محاضرة و بعديها بتورح الأمتحان نعرف بقى ازاى نتعامل مع بعض فى الشارع
2-و من المقتراح الأول تغير نظام العقاب (المخالفات) بجانب المخالفات المالية نعمل نظام history مثلا ليك عدد معين من المخالفات بعديها يا تتمنع من السواقة فى البلد مش هنقول نهائى لا يتوقف لمدة معينة سنتين مثلا و علشان تسوق تدفع مبلغ حلو بقى من اللى يشل 10 االاف جنيه ولا حاجه ساعتها المخالفة هيبقى فيها رعب !
3-يتعمل خط ساخن للبلاغ عن المخالفات و بشرط لما يوصل عدد معين من البلاغات عن نفس الرقم يبقى فعلا فيه مخالفة (علشان مفيش واحد يكون مخنوق من واحد يقوم رازعه بلاغ)
4-لو هيلموا من السواقين مبلغ رمزى مع التجديد تحت بند تطوير الاشارات و تكون عليها كاميرات يبقى نعمه و فضل من عند ربنا
عايزين ننسق افقارنا و نشوف بره الناس بيتعاملوا مع المشاكل ازاى و نعمل حاجه كده و نستنى الوقت المناسب و نقده للمسؤولين
__________________
الحلم
|