رد: افيدونى يا مولاك الجين2
يا باشا بخصوص الأجزاء المعرضة للأعطال الفجائية فمحرك العربية زى أى عربية حديثة يعنى إنجكشن و حساسات و بوابات و خلافه أما جهاز الفرامل و الباور فهيدروليك يعنى برضه زى معظم العربيات
ممكن تكون ضفيرة الكهرباء مختلفة طبعاً عن أى عربية ودى حاجة وارده فى كل العربيات
يعنى اللى بيصلح هيونداى ممكن يصلحها و على فكرة أنا شفت مرة ميكانيكى فى باب اللوق مطلع أمعاء العربية و فاكك كل حاجة فيها (يبدو إن صاحبها بيعمل عمرة) و طبعاً صاحبها مش هيسيب أى ميكانيكى مش فاهم يعمل كده فى عربيته
بص حضرتك علشان ماتحيرش نفسك: العربية منافسة لأى عربية فى نفس الفئة السعرية و البدائل الموجودة فى نفس السعر هتكون أقل فى مواصفات الأمان تحديداً أما الأداء فهو منافس طبعاً يعنى محرك جبار و عفشة رياضية و لكن للمستخدم العادى مش هتفرق معاه الحاجات دى
اللى ممكن يفرق مع أى حد هو الأمان (إيرباج و فرامل ABS و دعامات فولاذ بالشاسية و الأبواب) و المقابل هو غلو قطع الغيار قليلاً و إستهلاك بنزين عالى شويه و مش كل الميكانيكية يفهموا فيها و طبعاً كل ده بيخلى سعر إعاده البيع مش مرضى
إنت أكتر واحد عارف متطلباتك ... إحسبها بينك و بين نفسك
عموماً صعب تلاقى حد معاه جين تو و مش مبسوط
__________________
Mohamed Elhasafy Abo Farida
|