[ابوسهيلة]

المشاركة الأصلية كتبت بواسطة AboNoRa للاسف مكنتش موجود يوميها فى التحرير بس بعدها مباشره روحت ووجهت نفس الاتهامات لاحد كبار الظباط اللى كانو موجودين فى التحرير خاصة انى كنت متابع الموقف ليلتها من التليفزيون وشايف من ناحية عبد المنعم رياض ازاى البلطجية بيتجمعوا وبينفضو وتجيلهم امدادات وكل ده على مقربه من الجيش تكاد تكون امتار قليلة بس لما سألت الظابط قالى بالحرف الواحد الزخيرة اللى فى جمبى ديه (وحط ايدة على علبه الزخيرة) مش للمصريين ممكن اكون شايفك انسان كويس ومحترم وشايفه بلطجى او مش محترم بس فى الاخر كلكو مصريين وبالنسبة لانساحب بعض الوحدات من اماكنها برر ده على انه حماية لنفسهم خاصة مع تزايد اعداد البلطجية واستخدامهم المولتوف والرصاص الحى يعنى علشان بردو يحمو نفسهم من التورط فى الموضوع يعنى فى الاخر انا بقى عندى قناعة ان اللى عملة الجيش مكانش خيانة كاملة على الاطلاق بقدر ما كان التزام بالحيادية لدفع اخطار اكبر كان من الممكن ان تحدث فى حال تورط الجيش مع اى طرف لحساب الطرف الاخر اما موضوع تورط الجيش فى ممارسات تعذيب ده انا سمعته نقلاً عن بعض وكالات الاخبار فى حينه لكن مفيش دليل عليه لحد دلوقتى واتمنى انه لو حصل يتحاكم المسئول عن ده سريعاً بس نحافظ كلنا على صورة الجيش عموماً لانه الورقة الاخيرة والرابحة ان شاء الله

هو طبعا كل الكلام اللي حضرتك قولتوا ده انا سمعته قبل كد ومش مقتنع بيه خالص
والضباط اللي كانوا بعيد عن المتحف كلهم قالوا نفس الكلام للدفاع عما حدث ولكن الحقيقة غير ذلك تماما
الجيش كنا نتمناه محايداّ ولكنه كان يعتقلنا نحن ويتركهم وهذا حدث امامي وكاد ان يحدث معي
واحتجاز المراسلين الاجانب برده حياد معتقدش؟؟؟؟؟

وموضوع الانسحاب ده كان شئ قذر لان الاحداث محصلتش في ساعة ولا اتنين دي من ساعة دخول البلطجية لغاية اطلاق النار كان هناك 15 ساعة كان المفروض ان الجيش ميعملش زي الشرطة وينسحب
المفروض انه كان يعزز قواته ويسيطر علي الموقف وخصوصا بعد ماتبين الموقف
الغريب يا اخي انه مفكرش يضرب طلقتين فيشنك في الهواء علشان يفرق الجانبين

مع انه يوم الاحد اللي قبل الاربعاء الدامي دخلت عربية للميدان الصبح وكان لازال الميدان مفتوح وكان في العربية احد افراد الشرطة ولما اكتشف الشباب الموضوع ده حاولوا الفتك به ولكن الجيش انقذه وضرب بدل الطلقة عشره في الهواء علشان يفرق الناس والغريب ان الموضوع ده حصل مرتين في نفس اليوم وبعد كده اتقفل الميدان

والطيران الحربي يوم الاحد طلع ازاي علينا مش عارف برده ؟؟

علي العموم يجب علينا ان نوقن ان الضمانه لنجاح هذه الثورة بعد فضل الله تعالي هو الشعب المصري العظيم

مش الجيش المصري اللي حتي هذه اللحظة بيعمل زي مبارك بالظبط عمال يتأخر في الخطوات مش عارف ليه !!

علي العموم ربنا يستر