رد: تنظيف الفرش الداخلى للسيارة
حقولك بس متجربش
تروح لبتاع حدايد ويبويات تجيب ازازتين
ازازه تنر
و
ازازه جاز ابيض
وللعلم أزازه يعني زجاجه ( اللي بتمؤ منها لما تشرب )
ومحتاج 4 حطط قماش
3 حتستخدمهم
والرابعه حتجيبها غلاسه
اولا تمسك حته قماش وتمسح التابلوه من التراب اللي عليه
وبعد
تجيب حته قماش تانيه وتبلها جاز على خفيف وتمسح التابلوه بضمير
حتلاقيه بيلمع والله العظيم ولا كانه زيرو
واي حاجه بلاستيك في الصالون اديها جاز وميهمكش
بعدين حتجيب حته القماش رقم 3 ويفضل تكون خشنه
جينز مثلا او كتان
وتبلها تنر
وتمسح اي بقعه على الفرش
سوائ الكراسي او فرش الابواب او السقف
والنتيجه مبهره
وبعد ما تخلص تعمل حاجتين
1- تدعيلي
2- تسيب الزجاج مفتوح سنه بسيطه علشان الريحه تروح وبعد ساعه مثلا او مشوار واحد الريحه حتروح تماما
3-( ايوه عارف اني قلت تعمل حاجتين ) متسيبش الجاز ولا التنر ولا حتت القماش اللي مطرحهم جاز وتنر في العربيه علشان ما يعملوش ريحه او الجاز يتدلق
العفو فوت علينا كل يوم
|