[حسام البورسعيدى]

المشاركة الأصلية كتبت بواسطة kareem1825 نيو اكسنت 2010 مانيوال ,عملت بيها 2000 كيلو ,بس عندى استفسار انى لما بنقل على التالت وبزيد فى السرعه بيزيد العداد التانى بتاع لفات الموتور عن 3000 لفه بيعلى صوت الموتور وبحس انى لازم انقل قبل 4000 لفه وكذلك الامر عند السرعه الرابعه ,فهل دا طبيعى نظرا لانى عملت صيانة الالف بس والموضوع هيتغير فى صيانه الخمسه ولا ايه رايكم؟

معلش انا مش فاهم هى فين المشكلة ..

مهو طبيعى كل ما عدد لفات الموتور RPM يزيد صوت الموتور يعلى اكتر ..

وبعدين متقلقش لما تزود بنزين وتعلى صوت الموتور لان كده افضل من انك تاخد الغيار بدرى اكتر من الازم ..

ومتفتكرش انك لما تزود وتدى الغيار حقه انك كده بتحمل على الموتور بالعكس انت كده بتخليف ماشى مرتاح .. لكن لما تنقل بدرى بتخنقه بغيار عالى ..

عموما اهم حاجة انك تتجنب ان الـ RPM يدخل فى المنطقة الحمرا يعنى بعد 6000 لفه وكمان حاول يكون اخرك 4000 الى 5000 لفه بالكتير ده لو عاوز تسارع ..

لكن انسب وقت للنقل لغيار اعلى بيكون فى حدود من 3000 الى 4000 RPM وده امن جدا ومتقلقش منه ابدا ...


والف مبروك على العربية وربنا يباركلك فيها ويكفيك شرها ...