رد: طرائف اللجان الشعبية
أول موقف حصل يوم السبت 29/1 لما بدأت تتكون اللجان البلطجية (الشعبية) فكانوا بيسخنوا مع بعض كده بخناقة صغيرة خرجت على صوتها ولما بدأت تكبر لقيت فى عز المعمعة صاحب الكافيتيريا اللى أمام العمارة المكتوب عليها (المقهى الثقافى لأبناء الحزب الوطنى) جايب علبة بويه سوداء و بيدهن يافطة القهوة بسرعة خارقة لدرجة إنه غرق نفسه بويه ... كان يا عينى خايف يحصله زى ما حصل لمقر الحزب الوطنى
الموقف الثانى: فى إشارة جليم فى شارع أبو قير لقيت شاب لابس لبس الكشافة أو الجواله و حاطط البيريه فى الحزام اللى فى كتف القميص
المضحك إنه كان لابس نظارة ريبان سوداء كبيرة و مكشر قوى للعربيات و بيشاور لها فى نفاذ صبر علشان تسرع شويه
__________________
Mohamed Elhasafy Abo Farida
|