المشاركة الأصلية كتبت بواسطة mms
الله عليك ,هو دا القصد ان انتقادنا للوكيل يكون نتيجته مصلحه السياره مش العكس, و انا كنت من اشد المعجبين بيها لكن الوكيل الله يهديه......... وانا عايزه يعرف ان سياره سعرها ارخص يخليها تمشى هو ه ما بيفهمشى.
|
الله على كلامك انت(يخليها تمشى هو ما بيفهمشى) ---التوكيل دة ظلم الجيلى والجاك-----عربيات جميلة وبتكنولوجيا جميلة بس مفيش فكر يحرك مبيعاتها*******علشان نكون عمليين انا شايف اننا وباالذات ملاك السيارة ثم معجبيها فى القسم--نتفق على تصور لما يجب ان تكون علية حملة الدعاية واسلوب الترويج ودة من حق الملاك لان انتشار العربية بيحافظ على قيمتها السوقية للمشترى وبيضمن سعر اعادة بيع مرتفع-----اذا لابد من استماع الوكيل لوجهة نظرنا بصفتنا ملاك ومعجبين بالسيارة--لاننا طرف فى المصلحة-----باالمناسبة احد الزملاء فى المنتدى تفضل عليا واعطانى عنوان موقع لاراء الملاك فى السيارة فى الجمهورية السورية--واكتشفت من كلام الناس ان العربية دى منتشرة جدا هناك --وبفرق سعر مناسب بينها وبين اى صينى تانى--طيب لية محققتش انتشار هنا ---الناس بيشكروا فيها جدا جدا وبيقولوا انهم لمسافات لاتقل عن 15000كم لم تظهر لهم اى مشاكل فيها وهما بيتكلموا عن 107/108 وبيقولوا معدل استهلاك البنزين 280كم/20 لتر داخل المدينة--رقم ممتاز جدا وغير مسبوق-----طيب احنا عايزينه تنتشر ودة لمصلحتنا ومصلحة الوكيل---يبقى لازم السادة الملاك يجمعوا افكارهم ويقابلوا صاحب الشركة بنفسة مش اى موظف عندة وانا متاكد انة هيتفهم وهيتعاون زى ما قلت لانها مصلحتة زى ما هى مصلحتنا------باالمناسبة يا جماعة السيارة BYDكانت تعانى من نفس المشكلة (ضعف+ سوء الدعاية)- اللىانقذ العربية انها اشتركت فى مشروع التاكسى فاصبحت العربيات اللى ماشية هى نفسها دعايية للعربية------لكن دة مش اسلوب --مينفعش اعتمد على الصدف زى مشروع التاكسى او الاعتماد على ذكاء العميل وصبرة على افتراضانة هيبحث فى النت وهيسال ويقارن وهينزل الشارع ويسال الملاك وهياخد القرار بناء على انة عرف ان العربية حلوة-------لازم دعاية وتسويق-----بدليل الاسبرينزا---وهى الوحيدة التى كثر حولها اللغط الا انها الاكثر انتشارا وذلك لايرجع لجودتها ولكن لاسلوب تسويقها---انا اسف طولت عليكم--بس دى رؤيتى