رأيي نفس رأي بسام
نص الشعب كان نفسه يبقي ضابط و لقي الفرصه
لدرجه اني لقيت واحد صاحبي جايب طبنجه و لام تلاته حواليه و قاعدين علي جنب
و موقف تلاته او اربعه من اصحاب اخوه الصغيريه في اوائل العشرينات كانهم عساكر تشوف الرخص هههههههههه
المهم كانت القاعده ظريفه و كنت بروح اقعد معاهم بالليل
الاقي نخبوزات و شاي و بيسبي و عصير و قاعدين من واحده بالليل لحد خمسه الفجر نهزر و نلعب طاوله و العساكر مولعه نار و واقفه ههههههه
و احنا قاعدين عدي واحد راكب فيسبا و الشباب وقفوه و سمعنا صوت عالي
قمنا كلنا نشوف فيه ايه
اتاري الاخ مش عاوز يطلع البطاقه و لا الرخصه
و يقولك كل واحد له (طله) و انت المفروض تاخد الواحد من طالته
المشكله ان اخينا دا كان واخد كام مطواه في وشه اللهم احفظنا و بيتكلم ببلطجه
بس لقي مثلا قدامه مش اقل من عشره واقفين و الكتره تغلب الشجاعه
و برضه قرر الجمله
كل واحد له طله و انتوا المفروض تعرفوا الواحد من طلته
فجأه لقيت الظابط اللي جوايا صحي انا كمان و قولتله ماهو طالتك دي اللي وقفتك
بطاقتك و رخصك قام مطلع البطاقه قولتله الرخص طلع رخصه الفيسبا
قولتله رخصه سواقتك قالي هو حد في البلد %$&%^ بيمشي برخصه
قولتله انت حتستعبط امال ماشي ازاي
المهم ضابط جيش جه علي صوتنا و احنا بنزعق قام واخد البطاقه و واخده معاه
و حاطه في القبر(المدرعه)ههههه
دا كان موقف حضرته......
.........
احدي المواقف برضه عربيه معديه رايحه جايه
و الجماعه اللي معانا كانت كل ما العربيه تعدي ياخدوا الرخص و يشفوها (غباء بعيد عنكم) ههههه
لدرجه ان لما سألوهم بتعدوا ليه كل شويه قالوا لهم احنا بتوع حشيش و مزاج و ماشيين نحشش و مالناش لافي قنابل ولا الثورات بتاعكم دي!!!!!!!!!!!
المهم سمعنا بعدها ضرب نار
و العربيه دي جايه تاني
و طبعا الرجاله وقفوها
و بيسالوهم فقاموا قالوا دا احنا معنا مسدس صوت و واحد مننا دماغه عليت حب يضرب طلقتين في الهوا
قام الرجاله مسكوهم و شدوا مفتاح العربيه و جابوا ضابط الجيش اخدهم برضه هههههههههه