المشاركة الأصلية كتبت بواسطة lol64
حد ياجماعه سمع احمد زويل امبارح مع محمود سعد؟
عاملين له دعايه بالبرنامج ده جامده قوى
انا مراتى مقتنعه بيه جدا بس انا مش مستريح ههههههه مش عارف ليه؟
|
عندك حق فمع كامل إحترامى للعالم الجليل/ أحمد زويل فهو تقريباً أمريكى قلباً و قالباً و ما نعرفش أى شىء عن عمله فى مجال الخدمة العامة و ياريت بلاش مبدأ: عدو عدوى يبقى صديقى
أنا شخصياً أرشح اللواء/ عبد السلام المحجوب محافظ الإسكندرية السابق
فعلاً شخص متواضع جداً و خدوم و إستطاع أن يتعامل مع الواقع المرير من رشوة و محسوبيات ووظفها لخدمة الصالح العام و تطورت الإسكندرية جداً فى عهده و عندما زادت شعبيته تم تنصيبه وزيراً لوزارة غريبة إسمها (التنمية المحلية) اللى تقريباً لسه كانوا بيفكروا يخلوها تعمل إيه ... المهم إن الراجل ده بقى بره دائرة الضوء
يعاب عليه من وجهة نظرى أنه كان عضو فى الحزب الوطنى ... ولكن ربما كان أجبر على ذلك
ياريت اللى عنده أى سلبيات عن الراجل ده يقوللى