باشا
السلام عليكم
حد فاكر زمان واحنا صغيرين لما كنا عيال قبل ثوره 25 يناير
ايوه يا جماعه لما كنا عيال
لما تخش على كمين وركبك تفك مع انك رابط الحزام عالجلابيه ولابس خوزه وانت راكب عربيه وماشي 70 مش 90 ورخصك سليمه وورقك سليم وبطاقتك سليمه والبوبي بتاعك كمان متطعم ومترخص وانت اصلا معندكش بوبي ومش شايل جثه في شنطه العربيه ومش مركب جنبك رقاصه والتابلوه عندك خالي من الحشيش لانك اصلا متعرفش شكله عامل ازاي ومع ذلك....
تخش اللجنه وعليك سيمات الوداعه وقلبك بيضرب طبل بلدي علشان خايف ( الباشا ) يتلككلك على اي حاجه ؟؟؟
طيب خلاص عندي ليكم خبر كويس
الكلام ده كان زمان
دلوقتي لو فتح بقه معاك وانت في السليم انزل اديله بالجزمه
والف واحد حينزل معاك يديله بالصرمه معاك
وخليك عارف انك انسان محترم وهو ملوش عندك حاجه
ده شغال عندك وشغلته انه يستحمل غلاستك ونظرتك الدونيه ليه
هو انا ضربته على ايده وقولتله يخش شرطه ؟؟
الشرطه في خدمه الشعب
اهو انا بقى الشعب
تعاملني كويس اشيلك على راسي
تقرفني **********************
للأسف انا عارف انهم لما يرجعو تاني الشوارع لو بصو للناس بأبتسامه مش بعيد الناس تاخدهم بالاحضان
بس ياريت مننساش اللي اتعذبو في الاقسام
واللي اتهتك عرضهم
واللي انضرب في الشارع بالشلاليت
ومننساش خالد سعيد
والف واحد زي خالد سعيد
واللي اتهانو قدام مراتهم وبناتهم وعيلتهم لسبب بسيط ان ملهومش ضهر
اهو الشعب دلوقتي ضهر لكل واحد
وليكن شعاركم حسبي الله ونعم الوكيل في الايام السوده اللي فاتت
والحمد لله ان معانا جزم نديهم على دماغهم فيها الايام الجايه
ومحدش يقولي ان فيهم محترمين
كانو فين ؟؟
لا بجد كانو فين ؟
هو مش المفروض المحترم ده داخل شرطه علشان يحمي الشعب ويحافظ على البلد ؟؟؟
ولا نقصد بالمحترمين اللي ملهومش فضايح متصوره بالموبيلات ومخادوش منك رشاوي قبل كده ؟؟
كان فين بقى !!!
كان فين ساعه الجمال والحصنه ؟
كان فين لما شاف الناس بتتبهدل في الاقسام ؟
كان فين لما الناس اتلم منها أتاوات من البوليس اللي المفروض انه يحميهم؟
كان فين في التزوير(وماأدراك بايام الانتخابات وتزوير ايام الانتخابات ) ؟
كان فين لما طلبه الجامعه انضربو ؟
لما يقولي كان فين ابقى احترمه ساعتها
على ما نعرف بقى كان فين ده لو هو نفسه عارف ......
بالجزمه
ومحدش يقول لحد فيهم باشا دي تاني ابدا
قوله
************************* ***
...
التعديل الأخير تم بواسطة hazem_khidr ; 15-02-2011 الساعة 03:04 AM
سبب آخر: انذار بسبب سب الاديان و تحذير اخير بعدم اتباع مثل هذا الاسلوب مره اخري بالمنتدي و الا تعرضت للوقوف النهائي من المنتدي
|