رد: نكت المظاهرات
ودول شويه نكت جاتني علي اميلي قلت تشوفوها وهي لا تعبر عن راي شخصي.....
1 - مرة واحد لقى الفانوس السحرى فدعكه .. طلعله العفريت قاله شبيك لبيك .. قاله نفسى تعملى كوبرى من القاهرة لأسوان ، قاله دى صعبة قوى شوف حاجة تانية ... قاله خلى مبارك يتنحى ، قاله العفريت انت عايز الكوبرى رايح جاى ولا رايح بس ؟
2 - بلطجى سألته قناة الجزيرة : انتوا ليه بترموا قنابل مولوتوف ؟ ... فرد عليها : العيال دى بيرموا علينا قنابل بلوتوث
3 - مبارك قبل خلعه اتصل بعمر سليمان وقاله : ابعت الفلوس على شرم الشيخ ، وابعت المسلمين على السعودية ، وابعت المسيحيين على أمريكا ، واقفل وهات المفاتيح معاك
4 - إعلان وظيفى نشره مبارك بعد تنحيه كتب فيه : رئيس سابق يبحث عن وظيفة ، خبرة فى إنشاء الكبارى متعددة الطوابق و المعتقلات شديدة الوحشية ، ولديه قدرة خاصة على التناحة
5 - سألوا مبارك عن رأيه فى التغيير ، قالهم : التغيير سنة الحياة ، قالوله طيب سيادتك مش هتتغير ، قالهم أنا فرض مش سنة
6 - أوباما بيقول لمبارك : يالا عشان تودع الشعب قاله : ليه .. هو الشعب رايح فين ؟!
7 - واحد بيسأل التانى : لو انتصرنا على الحكومة وغيرنا النظام هيحصل ايه ؟ قاله هنلعب مع تونس فى النهائى
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء*
شرقت حشاشات النحيب وأينعت*
وشوى الأنين قلوبنا فتفطرت*خلف الجفون دموعنا الخرساء*
أكبادنا فبكاؤنا إيماء*
|