رد: فرحت ولا
استاذ فادى
سبحان الله فى طبعك يا أخى
حضرتك بتفكرنى بواحد واقف فى الميدان فى عز الظهر والشمس ساطعة وعمال يقول هى الدنيا ضلمة ليه هى الدنيا ضلمة ليه
انت مقتنع ان مبارك انسان كويس ...أوك ماشى هذا رأيك ومن حقك ان تحتفظ به لكن لا تسفه من اراء الآخرين ولا تحقر من شباب هم اليوم اطهر وانبل ما فى هذه الأرض الطيبة
يا استاذ فادى
حسنى مبارك حكم البلاد مدة اكثر من 29 سنة وخبراء الاقتصاد يقولون انك ممكن ان تبنى دولة من الصفر الى ان تصبح فى مصاف دول العالم الثانى فى خلال 25 سنة فقط والراجل ده جابنا لورا , الدين الداخلى والخارجى ارتفع بمقادير كبيرة , 40%من الشعب المصرى تحت خط الفقر
وبعدين حضرتك ممكن تبص على دولة صغيرة زى تايوان بنت نفسها فى 20 سنة بعد ما كانت بتأخذ معونات امريكة
دولة زى ماليزيا محاضر محمد بنى الدولة فى 22 سنة وتركها وهى زى الفل وفى احسن حالاتها
رئيس البرازيل السابق لولادى سيلفا ترك البلاد وهى فى احسن احسن حالاتها الاقتصادية وهو فى أوج شعبيته ومع ذالك الراجل احترم الدستور الللى بيقول فترتين فقط ولم يعدل الدستور ولم يفصل مواده علشان شخص واحد فى مصر
انا عمال افكر فى حاجة حلوة عملها مبارك خصوصا فى فترة ال10 سنين الأخيرة ....لا أجد اى شىء كويس الواحد ممكن يفتكروا بيه
اقولك اهم انجازاته ايه
كرامة المصرى اللى اتبعطرت داخل مصر وخارج مصر
اكتر من 67.000 كيلو متر مربع اتباعوا بأرخص من تمن التراب اللى عليهم لفاسدين ومقربين من النظام
القضاء تماما على ما كان يسمى بالقطاع العام تماما وبيعه بأبخس الاثمان
عودة الاقطاع وانتشار الطبقية واتساع الفجوة بين الفقراء والأغنياء
تمسيخ المعارضة حتى اصبحت الاحزاب مهلهلة لا فائدة لها ولا تواجد فى الشارع
الانتخابات التى زورت اكثر من مرة سواء الإنتخابات البرلمانية او انتخابات الرئاسة وطول الثلاثين سنة الماضيه ولا مرة جرت انتخابات نزيه 100%
كل هذا واكثر تم فى هذا العهد الأسود
__________________
د / محمد
إن الله لا يصلح عمل المفسدين
|