[silentman84]

المشاركة الأصلية كتبت بواسطة سيف الدين سعيد ايه يا عم أبو شروق .......... ليه التشاؤم دا كله ؟؟؟؟؟؟؟؟؟ حسستنى ياراجل انك من حرامية الحزب الوطنى . وان الدايره جايه عليك .هههههههههههههههههههههههه هههههههههههههههههه . بأهزر طبعا . بس عايز أقول لحضرتك نقطه صغيره . وهى ان مهما حايحصل أكيد حايكون الجاى أحسن من اللى راح . وعلى الأقل خالص المصرى حاليا كل العالم بيقدره وبيحترمه وبيبص له بنظرة اعجاب غير الأول تماما . ويكفى كمان اننا رفعنا راسنا بعد ذل الداخليه والشرطه للشعب دا 30 سنه متواصله فى ظل قانون طوارئ . وكان البلد وشعبه مسخر بعمله وجهده لملئ خزاناتهم . ويكفيك جدا لما تعرف ان ثروة مصر المنهوبه على مدار ال 30 سنه تقدر بـ 3 ترليون دولار من الأسره المالكه وحاشيتها .وما خفى كان أعظم . عارف حضرتك 3 ترليون دى يعن 3 وأدامها كام صفر ؟؟؟؟؟؟؟؟؟؟؟؟؟؟ أظن من عددهم ممكن نتلخبط فى العد . ههههههههههههههههه عموما كلنا بنشاركك نفس القلق . بس لازم تكون نظرتنا للأمام متفائله ونبتدى كلنا نحط رجلينا على بداية الطريق . وننسى شعار الـ ( أنا ماليه ) ان كل واحد يقول وانا مالى . ونعمل لبلدنا بجد . تقبل حبى واحترامى .

الحمد لله على سلامتك وسلامه كل الناس استاذ سيف .......والحمد لله على نجاح الثوره .........ومبروك علينا النصر لكل شعب مصر وربنا نصرنا وماضيعش تعب كل من ساهم وشارك فى نجاح الثوره ورجعلنا كرامتنا اللى كانت ضايعه امام العالم كله ....بصراحه انا كنت مستعر من انى مصرى لكن دلوقتى بفتخر انى مصرى ....ويارب (زى ما الاستاذ سيف بيقول)من النهارده اى حد يشوف اى نظام فساد مهما كان نوعه او مقداره مايقولش انا مالى ماليش دعوه خلينى فى حالى هو انا اللى حغير الكون وده كان مترتب على الخوف والجبن اللى الحكومه كانت معودانا عليه كان اى حد يتكلم فى حاجه يروح امن الدوله على طول ويعتقل من غير ليه ....اما الان بفضل الله فعلا غيرنا واوقعنا النظام الفاسد بإراده الله والشعب ...ومن الان فصاعداً مافيش جبن ولا خوف وانشاء الله اللى جاى كله خير والثروه المنهوبه ترجع لكل مصرى ونسدد ديون مصر ونصلح اللى اتخرب وكل واحد ياخد حقه ويحقق كل اللى بيتمناه.........واظن كده بقى اتفاقيه الجات حتتحقق تبعا للنظام القادم واسعار العربيات حتنزل كتير ..وكمان اسعار اى حاجه تانيه حترخص وعمار يا مصر والله اكبر ولله الحمد