هشتكنا وبشتكنا يا ريس
طبعا محدش كان يصدق ولا يفكر انه يحلم باللي احنا فيه ده اننا نتحرر من الحكم الديكتاتوري الامبريالي علي رأي عم خالد خليفة
طبعا دلوقتي الكل بيسئل نفسه الناس اللي في ميدان التحرير ديه هتمشي ولا هتفضل قاعده
طبعا ده كلام في علم الغيب ويا خبر النهارده بفلوس بكره هيبقي ببلاش
عم خالد خليفة الله يكرمه عرفني علي شخصية من اجمل الشخصيات اللي عرفتها في حياتي الا وهي شخصية سعد الدين الشاذلي وانا كنت فاكره خاين وعميل لكن لما عم خالد عرفني عليه وفهمت القصه عرفت قد ايه البلد ديه ملهاش خير في اهلها
كان نفسي اشوفلوا جنازة عسكرية تليق بمقامه بس ربنا كرمه بصلاة الغائب عليه النهارده في ميدان التحرير اكتر من 2 مليون صلوا عليه ربنا يكرمنا زيه كدا
دلوقتي عايز اعرف الحياه هتمشي ازاي
هل مجلس الوزراء الجديد كدا ملهوش وجود
هل النائب عمر سليمان ملهوش وجود
مين اللي هيمشي مصالح البلد
جاوب يا عم خالد