[MmFFoR]

المشاركة الأصلية كتبت بواسطة mmffor افرح يا شهيد دمك ما رحش هدر و لو اني كان نفسي انك تبقى معانا علشان نبوس ايدك و رجلك على اللي عملتوا لينا من غيرك كان زماننا شوية غنم قطيع يقاد بلا امل افرح يا شهيد دمك ما رحش هدر حلمك اتحقق اهلك فرحانين بيك مصر بتحبك و كل يوم حندعي ليك افرح يا شهيد انت سطرت تاريخ في العزة و الكرامة بصدرك العاري و دمك على الارض اسمك اتكتب بالخط العريض بمية الورد في تاريخ مصر بلدك اللي ضحيت ليها و اخيرا اكتشفوا انك ممعكش اجندة ولا كلت كنتاكي اللهم زوجه بحور العين اللهم اسكنه جنانك و اطعمه من طعام اهل الجنه و اجعله شفيعا لاهله يوم القيامة يا رب العالمين عرفتوا مين اللي خسر؟ انا و انت و غيرنا اللي حنشوف نعيم الدنيا اللي اخونا ضحى بنفسه علشان نشوفه بس هو اللي كسب لانه ليه ما هو احسن من الدنيا و سقط الطاغية من على كرسيه اهالي الشهداء يتقبلون العزاء في شهدائهم الان

الكامات دي خواطر ليا مش شعر
انا فعلا فرحان و خايف و زعلان
فرحان بالنصر و المستقبل
خايف من المجهول
زعلان ان اللي استشهدوا مش معانا علشان يحتفلوا بنصرهم