[احمد الشناوى1981]

للاسف انا من وقت ما سمعت الخطابين و انا محبط و مقفول جدا
كل الى انا متأكد منه ان الناس دى مش حاسه الدنيا فى التحرير و باقى مصر شكلها ايه
للأسف كل الاضافه الى حصلت بعد الخطابين هى زياده اصرار الناس على رفضهم مبارك و اى حد من ريحته
و اكيد اى حد شاف منظر الناس فى التحرير وقت الخطاب شاف ده
اما بخصوص ان البديل لوجود مبارك فى الحكم هو الفوضى فده كلام غلط شكلا و موضوعا لان مصر مش حاجه صغيره و مصيرها مينفعش يكون متعلق بحسنى مبارك او غيره و اكيد لو كان مات فجأه فى اى وقت (82 سنه) كنا هنعمل انتخابات و نختار واحد غيره بل بالعكس النهارده الشعب كله اتغير و مفيش حد ممكن يضحك عليه تانى(99.9) و ان شاء الله هيختار الشخص المناسب