تحيه اولية الى طريقة الحوار الراقية بين الأعضاء
انا هقتبس من الأستاذ وليد الوحش مثل المكتب والفأر بس بطريقة اخرى
لو عندك مجموعة فئران فى مكتب وعاوز تخرجهم قمت قلبت الحجرة تدورعليهم وتارة بالطرد وتارة بالضرب لحد ما تنظف الحجرة تماما من كل الفئران وتتأكد انه لم يعد هناك فأر واحد ثم تعيد ترتيب الحجرة من مكتب ومقاعد ومنضدات .....الخ
الفئران هنا النظام والحجرة هى الوطن مصر وهو ده المفروض يتم الآن خروج كل اذيال النظام من السلطة تماما حتى تتطهر مصر من كل كل فاسد وظالم
الكلام اللى بيتقال فى وسائل الإعلام من باب البلد هتخرب , المظاهرات بتقودنا الى نفق مظلم , الشباب دول عايزين ايه بعد ما لبينا مطالبهم والمفروض يرجعوا بيوتهم حتى تسير عجلة الحياة
كل ذلك محاولة من اذيال النظام للإلتفاف على الثورة وعاوزين يرجعوا ينظموا صفوفهم علشان ينقضوا عليها مرة اخرى وآخر تصريح قاله أحمد ابو الغيط ان الجيش ممكن يدخل ويعلن الأحكام العرفية اذا حاول هؤلاء المغامرون ( شايفين حتى لم يسميها ثورة او مطالب شرعية) الإستيلاء على السلطة
كل هذا يجعل شباب الثورة لا يثقون فى اى وعود اة تصريحات وردية من هنا او هناك والشيء الوحيد محل الثقة هنا هو التغيير وخروج هذا النظام الفاسد من السلطة تماما
وبعدين كما قال الاستاذ وائل ( ابو نورا ) كل بلاد العالم بيحصل فيها مظاهرات ومفيش بلاد بتخرب ولا حاجة وإذا كان هناك من خسائر زى عمليات السرقة والنهب اللى حصلت وحرائق الاقسام وهروب المساجين فالمسئول عنها النظام وحده وليس الشباب الذى يرفع راية السلمية