[ابوشروق]

انا بقا والدى الله يرحمه معلمنيش السواقه لاكن اعطانى الثقه اى حد كان يسؤله عنى كان يقوله ده راجل ويعتمد عليه وبناء عليه كان نفسى اتعلم السواقه من ثالثه اعدادى وكانت المنطقه الى ساكنيين فيها مليانه عيادات دكاتره وطبعا كلهم عرفنى من الجدعنه أتجرأت وقولت أجرب وكل شويه أختارعربيه من عربياتهم وقولهم دكتور عربيتك قافله على عربيه ناس عايزين يطلعو واخد لفه وكنت عارف مبادىء القياده من أصحابى وربنا يسامحنى فى خداعهم كنت الف من أخر الشارع وأرجع اركنها وأطلع المفتاح ومره قولت لازم أركب المرسيدس 200 وفعلن جبت المفتاح وحسيت انى راكب طياره ورحت أخر الشارع ورجعت معرفتش أجيب المرشدين بتاعها كنت فاكره زى الفيات والشارع وقف وكنت هتفضح لاكن ربنا ستر جه واحد سواق تاكسى فى ايه يا بيه قولتله المرشدين مش عايز يجى قالى دوس دبرياج كده ومد ايده على الفتيس معرفتش عمل ايه وقالى شيل رجلك من الدبرياج سنه سنه لاقيتها بترجع للوراء قالى اركن بقا قولتله خد هنا انت عملت ايه راح قالى رسمت عليه وقلتله يبقا السوسته كانت معلقه شكرا ومن يوميها مبقتش أخد غير المرسيدس لان الدكتور ده بلدياتنا واتعلمت السواقه مع نافسى وبعد ما نويت اجيب سياره ليه تخيل نزلت من مرسيدس الى أيه؟فيات 1100 موديل 60 وبلاش اقول على الفرق كأنى مسقتش قبل كده:c razyW14:ههههههه ههه