انا خلصت امتحانااااااات الحمد لله
وان شاء الله خير
المهم وانا راجع بالعربيه ومروح في امان الله العربيه سخنت قووووووي(بولونيز 92) وكان معايا 2 من اصحابي
وطبعا بسرعه نزلت اشوف ايه الموضوع لقيت الميه في الحوض كتير مع ان الرادياتير جديد ومفهوش ولا خرم والمروحه بتاعت الرادياتير الي بثيرموستاته شغاله زي الفل هي بتشتغل وانا اعييييييط علي البطاريه الي هتنفخها دي
زودت الميه ورجعت مشواري طويل شويه 35 كيلو المهم انا كنت مغير زيت قبلها بكام يوم بس
الي حصل بعد كده ان الميه بقت بتنقص بمعلات كبيره يعني ازود لتر ونص مثلا وانا لسه جوه البلد
روحت لبتاع الرادياتير قالي مفهوش اي حاجه حط كرتونه تحت العربيه واركنها وقولي بتسرب منين ركنتها يومين ورجعت ابص لقيت نقط من تحت الطرمبه بتاعت الميه روحت لميكانيكي راح فاتح غظاء الزيت (لقيت لون زي الرغوه البيضه كده)مع ملاحظه انه في اسار زيت كده حوالين الغطا ولتحت شويه
بس الميكانيكي قالي العربيه يأما ضربت جوان ياما ضربت الطبب(لامؤاخذه معرفش ايه هي الطبب)بس وقالي تعالي بكره نشوفها وناخد اليوم من اوله
حد يفهمني الموضوع ايه والراجل ده هيسطعبطني ولا ايه
ملحوظه:حاولت كتيييييييييير ابيع العربيه دي واجيب 131 او 128 او اي حاجه لادا حتي بس الامتحانات والدنيا والفلوس والله هبكي هبكي والدمعه هتفررررر من عيني
