رد: خمسة عشر رد .. لخمسة عشر وهم ليـــــــــــــــــه مبارك مش لازم يتنحى الآن
معتقدش ان في مصري واحد عايز الفوضى ..
بالعكس الثوره قامت علشان الفوضى اللي كنا عايشنها
الثوره قامت وهدفها الاصلاح ... مش الفوضى
كلنا متفقين على الهدف ... قلب واحد .. ايد واحده
الاختلاف كله والخناقات و الهرتله دي كلها على الاسلوب او الطريقه ...
موضوع الاستقرار و الامان و ووقف الحال لعبه نفسيه يكسب بيها وقت مش اكتر ...
كان يقدر بمنتهى البساطه يحل مجلس الشعب و يطلب عمل انتخابات برلمانيه جديده و تعديل الدستور ... لكنها لعبه الوقت برضو .. وعلشان يضمن ان اللي يجي بعد ميفتش وراه
الحظر بسبب المساجين اللي هربوا و الشرطه اللي اختفت ... مش بسبب المظاهرات
يعني الحظر مش مرتبط بالتحرير ولا بالمعتصمين
هو كده كده ماشي .... وحتفضل الاعتصامات سيف على الرقاب
وكل يوم حيقدم تنازل جديد ... لحد ما يحس ان الناس استكفت وشالته من دماغها ... وساعتها بس حيمشي من نفسه ... حتى لو كان لسه عنده وقت ...
هو كل هدفه الخروج الكريم ...
و مصر كل هدفها الاصلاح الفعلي و الاستقرار ... والامان الحقيقي ..
وشويه المنتفعين والمتربصين مهما كانو مش حيقدروا يخدعوا الناس
لاننا عايزينها دوله مؤسسات بحق ... مش واحد وساحب ملايين ورا منه
ان غدا لناظره قريب
عاشت مصر حره مستقله
__________________
من تواضع لله رفعه The ultimate car would be designed by Italians engineered by Germans built by Japanese &
|