رد: معلومات خطيرة و مؤكدة عن ميدان التحرير - عمرو سلامة
اللي بيقول خللي البرادعي او الاخوان يحكموا!
و فيها ايه ان البرادعي يحكم؟ و انت عرفت ازاي ان البرادعي حيبيح الشذوذ؟
بسم الله ما شاء الله!!! احنا في مصر مسلمين و مسيحيين نرفض فكرة الشذوذ دي جملة و تفصيلا!
و لو البرادعي فعلا بيفكر انه يعمل قانون زي ده يبقى بغباء سياسي ليس له حدود لان حتى امريكا رافضه القانون ده مع ان 60% منهم ملحدين يعني ولا مسيحيين ولا اي ملة تانية!
الدول الوحيدة اللي وافقت على القانون هي بريطانيا و بعض الاقاليم في كندا! على مستوى العالم حنيجي نط مرة واحده ان مصر لو مسكها البرادعي حتبيح الشذوذ !!! يا اخي اتقي الله و راجع مصادر معلوماتك لانها مصادر فاسدة بتفكرني بالاعلام المصري في يوم 25 و 26 و 27 لما كانوا بيجيبوا مظاهرات لبنان و اليمن بدل مصر و بخط صغير تحت كده كاتبين بعض الخارجين عن القانون يقومون باعمال شغب في ميدان التحرير و تم السيطرة عليهم و اعتقالهم
هو ده مصدر معلومات و للاسف فهو مصدر مريض و فاسد لا يركن اليه
البرادعي من اكثر الشخصيات المحترمة في مصر و عمره ما طلب يبقى رئيس
و عمره ما كذب ولا ادى امال زائفه و لما بيتكلم بيتكلم بعقل
و ثم مالهم الاخوان؟ ما يحكموا لو الناس انتخبتهم! مش ده اختيار الاغلبية يا ديموقراطي؟ لو كعجبوناش المرة اللي بعديها حارشح انا نفسي و الناس تختارني! الشعب المصري على الرغم من انه شعب خاضع و مستكين اللا ان الطبقة المتعلمة و المثقفه فيه ذكية جدا و يعرفوا مصلحتهم فين و مين حينفع البلد و مين حيضر!
لا للديكتاتورية و نعم لحكم الاغلبيه
نعم لمحو الامية
نعم لمحاسبة رئيس الجمهورية و حبسه لو اخطأ او اثبت انه فاسد
نعم لمحاسبة الوزراء اثناء فترة وزارتهم مش بعد ما يخرجوا من الوزارة!
|