[engima]

المشاركة الأصلية كتبت بواسطة حازم شاهين مرة تانية وقف الحال سببه النظام و الحكومة إللى بتدافع عنها مش الناس العزل إللى واقفين فى ميدان التحرير

- بخصوص القتل و الفديو : انا يا استاذ حازم لما بتكلم الكلام دة كنت بتكلم عن الفديو مش الصورة العامة اصل الفديو غريب شوية لكن والله انا عارف ان فى ناس ماتت و اصل الفديو دة الراجل راحلهم وقلع هدومه هوا دا مش استفزاز لو حضرتك قريت المشاركات التانيه كنت هتعرف انا اقصد ايه و كان فيه حد كاتب انى بهين اللى ماتوا وانا مجبتش سيرتهم فى حاجة وربنا يرحمهم والله ماشككت (انا كان فيه واحد اعرفه مات كان عند قسم الزاويه) والكلام كان على الفديو وليست الصورة العامه.

- حقك تتكلم عن حساب الناس دى بس الناس مفروض تاخد فرصتها ولو مانفذوش الكلام دة كل البلد هاتيجى ميدان التحرير تانى....

- بس موضوع الصفقات انا كان فى بعض المعلومات لم اكن اعرفها و لكن فى معلومات اخرى ( بس حضرتك تعرف كم جيد من المعلومات انا استفدت من بعضها الصراحة)

- الناس اللى فى التحرير انا اسف بس دى وجهه نظرى هما اللى وقفين حال البلد اقلها مجمع التحرير ...والحياه ابتدت تانى تستقر (الحمد لله) ولكن بعد ما الناس دى حاوطوها بكردونات.

- بس انا مستغرب اننا متفقين على مصلحة البلد بس مختلفين فى وجهات النظر .....يارب احفظ مصر سالمة وكلنا نبقى ايد واحدة

_ نهايه كلامى ..انا اسف يا استاذ حازم لو كانت لهجتى فيها بعض الحدة (المصريين كلهم اتربوا انهم يحترموا اللى اكبر منهم) و حضرتك اكبر منى ... وانا بحترمك جدا (ماتزعلش منى).....و اقول لاعضاء المنتدى الكريم انا اسف لو حد زعل منى....... و ارجو من ادارة المنتدى الكريم ان تحذفنى من المنتدى ( مش بسبب الموضوع دة بس الواحد بيمر بظروف صعبة اليومين دول).....السلام عليكم