[sad-bird]

المشاركة الأصلية كتبت بواسطة zoomaa&mizaa يا جماعة من قولتلكم أن الحزب الوطنى مش هيسكت وهيعمل أى حاجة وكل حاجة علشان يشوة الثورة ويموتها

لاحظ ان فيه ناس تانية بتفكر بعشوائية كبيرة جدا
عشوائية المخ اكبر من عشوائية الاماكن
فيه ناس عندها استعداد تنزل التحرير تمسك الرجالة اللي هناك تاكلهم مش تضربهم بس لان حالهم واقف وناس كله مارزقيه بيشتغل يوم ويبطل عشرة لما تيجي عليه بقاله 12 او 13 يوم مش شغال قدامه حاجة من دي
يا هيتسلف ( ومش كل الناس هتسلفهم ده اذا كان فيه حد معاه فلوس في بيته اصلا )
يا هيسرق ( الحمد لله اللجان الشعبية قربت تبقى مليشيات )
يا هموت روحه ( لا عيب وغلط كده تموت كافر )
يا ينزل يضرب اللي في التحرير ( وده اسهل الحلول )

اضيف كمان ان فيه تفسير للناس اللي نزلت يوم الاربع
كلهم خياله وشغلهم كله من السياحه في نزلة السمان
فيه ناس قالت ان فيه عضو مجلس شعب حزب وطني اداهم فلوس وخلاهم ينزلو
وفيه ناس قالت ده الحزب الوطني نفسه هو اللي جابهم
وفيه ناس برضة قالو ان دول ثاروا على الخراب الي عم عليهم ولا دولار ( خلي بالك ولا دولار مش ولا جنية ) دخل جيب واحد منهم بقالههم فترة هيعيشوا منين ودول عايشين اصلا ملوك اقل واحد فيهم متوسط دخله الشهري 4000 تيجي انتالنهاردة تقوله مفيش لا ده انا اضربك وادبحك كمان ( مش انا اللي بقول ده تصور لتفكير الناس العشوائي )