المشاركة الأصلية كتبت بواسطة mmffor
بعد ما يفضوا ميدان التحرير
يتم اقالة حكومة احمد شفيق
يحكم المبارك بقوة الجيش (و ده انا متوقعة من ساعة ما راح الادارة المركزية للجيش و رجع مبسوط )
يتم الغاء الدولة المدنية و قطع الانترنت عن مصر تماما (حصل فعلا ) و ممكن قطع خدمة المحمول مصحوبة بحملة اعتقالات و اغتيالات موسعة في صفوف قيادات الشباب و المعارضين الاقوياء لانهم جميعا تم الكشف عن وجوههم الحقيقية مع تجاهل تام للنداءات و الانتقادات الدولية و مش بعيد يتم القيام بعملية تعتيم اعلامي كامل متمثل في الاعتداء على المراسلين الاجانب و تدمير مكاتبهم مما يؤدي الى هروبهم خارج البلاد خلال مرحلة التطهير كما قد يطلق عليها النظام
|
لا لا لا يا برنس
انت خيالك راح لبعيد قوى
مايقدرش يعمل حاجه من اللى انت بتقول عليها دى
ومين اللى هيسكتله انه يعمل فينا حاجه من دى
والله العظيم وانا باقسم بالله لو عمل حاجه تانى من ليلاقى ال85 مليون فوق دماغه فى مصر الجديده بيجيبوه من قفاه
لفا يا عم صعب قوى اللى انت بتقوله دا
طيب ماهو جرب الشرطه مع 30 الف واحد بس ومعرفش ياخد ولا حق ولا باطل
ولا هينزل علينا الجيش ويعملها حرب اباده بقى
وحتى لو اتجنن ونزل الجيش الجيش مش هيرضى
وبعدين يا عم تعالى كده نحكمها بالعقل
وبعدين انت بتقول فى كلامك انه بعد ما يعمل كل دا هيخلى ال 6 الشهور اللى فاضلين البلد فى حاله خوف
هو انت متخيل ان الجبروت اللى يعمل كده هيمشى؟؟؟
صعبه قوى دى