رد: حقك علينا يا ريس
انا خالتي ! سيدة عندها 60 سنه نزلت الجمعة بتاعت الرحيل
نزلت اساسا لان ولاد خلتي الاتنين اصروا ينزلوا و كانت عايزة تروح معاهم مرضيوش ! فراحت وراهم خايفة عليهم! رجعت بتحكيلي بتقوللي انا قبل ما اروح كنت مرعوبة! لما وصلت هناك لاقيت انضف ناس ممكن تشوفها في حياتك من كل الطوائف!
مسلم و مسيحي
محجبة و غير محجبة
غني و فقير
اطفال و شباب و شيوخ
عمال و طلبة جامعة امريكية
متدينيين و شباب مشغل اغاني
كل الطوائف بتضحك في وش بعض و بيتكلموا مع بعض بادب و احترام
لو واحد وقع كله بيمد ايده و يسنده! اللي معاه لقمة بيشاركها مع كل اللي حواليه
اخوان يساري يميني سلفي لغات مسيحي وفد او ناصري او حتى برادعي او بدون اي تيار خالص غير انه بيحب مصر!
|