[د.كمال]

خد عندك
أنا من رأيى خلال ال10 أيام اللى فاتوا كل يوم كانت الثوره بتحقق مكاسب مكناش بنحلم بيها ....طب ذى إيه ....خد عندك
الثوره شالت حاجز الخوف والرهبه بتاعه النظام
الثوره أجبرت الرئيس إنه يغير الحكومه
الثوره خلت زبانيه الامن (وأنا أحترم الشرفاء منهم )يستخبوا فى بيوتهم .
الثوره هتغير الدستور وده صوتنا إتنبح عشان نغير ماده واحده منه معرفناش .
الثوره أجبرت الرئيس إنه يقول دى أخر ولايه ليا وابنى مش هيترشح تانى (وده كان حلم بالنسبالنا )
الثوره حسنت صوره المصريين فى العالم كله بعد مكانوا بيقولوا علينا شعب متسول .
الثوره شالت الحزب الوطنى منبع الفسلد فى البلد
الثوره أصبحت الشراره اللى بتهدد كل الحكام العرب وخلتهم يخافوا من شعوبهم .
الثوره إن شاء الله هتحاسب كل فاسد ومستبد وسارق لهذا الوطن
مش لازم الثوره تشيل الرئيس لكن وجودها باستمرار تهديد للزبانيه والمستبدين والمفسدن وعزه وكرامه للشعب المصرى ووجودها كل يوم بتحقق مكاسب ومش لازم الجمعه اللى جايه ولا اللى بعدها تشيل الرئيس لكن وجودها على الارض مهم جدا ومن العار إن إحنا نقول كفايه كده عشن نرجع شغلنا
الثوره ملهاش دعوه برجوعنا لشغلنا .....عدم رجوعنا لشغلنا السبب فيه هو اللى مش عايز حتى الأن يعطى الأوامر لرجال الأمن بالرجوع الى الشارع لحمايه الناس .