المشاركة الأصلية كتبت بواسطة nktis
انتم عارفين انا هقولها وربنا يستر علي ومدخلش المعتقل
النظام مستني 6 شهور يلم الفلوس ويهربها بره وبعد كده يسافر للفلوس
|
بالله عليك بلاش كلام من غير اساس من الصحه لا الواحد ناقص و لا الناس ناقصه فلسفه و فذلكه
هو خلاص يعني كل واحد بقي عالم ببواطن الامور و بقي يتنبأ بالمستقبل
ولا باعتبار ان فلوس الدوله دي كلهااااااااا محطوطه في خزنه جوه قصر الرئاسه و حياخدها و يمشي
ولا يمكن الرئيس محمد حسني مبارك مش لاقي ياكل و محتاج شويه فلوس
حيقعد 6 شهور يلمها
بالله عليك فلتقل خيرا او لتصمت مش ناقصه شعلله
المشاركة الأصلية كتبت بواسطة mido-spicy
انت عارف يا حازم .. اعتقد ان دى فزوره وانت عليك تجاوب
واللى هيجاوب صح هياخد طلقتين فى راسه هديه
والسؤال هو : لماذا سمى هذا اليوم بيوم الرحيل ؟؟
والاختيارات هى :-
1- لرحيل الرئيس عن السلطه
2- لرحيل الثوار عن ميدان التحرير
3- لرحيل عقول الرئيس والثوار عن رئؤسهم
4- لرحيل صبر المشاهدين فى المنازل وقيامهم فى النهايه باطلاق الرصاص على كلا الجانبين للانتهاء من هذه الخنقه
للاجابه يرجى الاتصال على اربع اصفار صفرين صفر |
طبعا اللي سماها كده شويه الناس اللي اشعلوا الفتنه و بكرر و بقول انها فتنه
علشان يقولوا للريس مع السلامه
المشاركة الأصلية كتبت بواسطة sad-bird
المهم عندكم عاملين ايه
اللي في التحرير معروفين وشايفينهم على التلفزيون
عاوزين اخبار المحلة وبيروسعيد واسكنرية ودمنهور وطنطا والاسماعيلية كل الجمهورية كل واحد يقول عنده بيحصل ايه وخلص والا لسه
|
كله تمام يا محمد كان فيه مظاهرتين النهارده و خلاص الدنيا ماشيه هاديه
و الحمد لله كله تمام لحد دلوقتي
اما بالنسبه للجان الشعبيه فطبعا زي اي حاجه ابتدت جد
باعتبار ان نص الشعب كان نفسه يبقي ضباط شرطه هههههههههه
و دلوقتي رجعوا لطبيعتهم واقفين يضربوا صواريخ و يلعبوا كوره و عاملين نفسهم حكام علي البلد