[ahmed_harb777]

المشاركة الأصلية كتبت بواسطة ahmedjumpo يا جماعة ده كلام يصدقه عاقل ده على اساس ان المتظاهرين اللى فى التحرير كانوا بياخدوا الناس و يعتقلوهوم و ينقلوهوم الى التحرير على غير ارادتهم يا جماعة انتوا مش شايفين قد ايه احنا بقينا خوافين من التغيير مع اننا كنا من قبل بنتمنى اليوم اللى نغير فيه و نخلص على الفساد اتظنوا ان التغيير كان هيجيى لواحده بالبراشوت او ان الرئيس كان هيصحا فى يوم الصبح و يقول تغيير يا جماعة بدل من تاييد الثورة و دعمها نروح نتهم الشباب المخلص بالعمالة و انه هيضيع البلد ده على اساس ان احنا كنا امريكا و بقينا الكونغو يا جماعة كل الدنيا بره عاملة مسيرات تؤيد الثورة و احنا بنرميها بتهمة العمالة يا سلام البلد فيها دلوقت ملايين العملاء علشان عايزة تصلح البلد اما البلطجية اللى بيقتلوا الشباب بقى هما الوطنيين ياهههههههههههههه يا بلد و يجى واحد يقولك شباب الثورة بياخدوا رشوة و ان هناك فلسطينين يا سلام على اساس ان امريكا هتوفر ميزانيتها علشان تغير واحد كان بيعمل كل اللى عايزاه فى المنطقة ارجعوا لتصريحات امريكا فى بداية الاحداث و كيف كانت مؤيدة لمبارك و انه حليف وانه مستقر يا جماعة بيهددوا ان لو مبارك تنحى ان البلد هتضيع على اساس ان الدنيا بتقف على حد , طيب ماذا لو مبارك قد توفاه الله اكانت مصر بال 80 مليون ستكو عاجزة عن اخراج رئيس جديد هذا فى حد ذاته كارثة اوقفت مصر بعد وفاة جمال عبد الناصر او بعد السادات رحمهما الله اما حكاية الدستور و ان لو مبارك مشى فان الدستور لن يتعدل فهذا كذببببببب لان ببساطة ان لو مشى يقوم الجيش باعلان تطبيق الاحكام العرفية فى البلاد و تعليق العمل بالدستور القديم و خدوا بالكم من حاجة هو ده اللى اسمه قانون الطوارئ اللى هو متفذ فعلا و مكنش فيه مواطن له اي حقوق دستورية من تلاتين سنة و لا نسيتوا عمايل الشرطة المهم بعد تطبيق الاحكام العرفية يتم عمل لجنة من القانونيين و الاحزاب لصياغة دستور جديد يحقق خير و صلاح هذه البلد و تجرى على اساسه الانتخابات الرئسية و التشريعية افيقوا يا شباب و انظروا حولكم ماذا اصبحت فرنسا بعد الثورة الفرنسية و ماذا اصبحت الارجنتين و بعض الدول فى اوروبا الشرقية انظروا الفرق بين الدول الديموقراطية و الدول الشمولية القائمة على الديكتاتورية الم يقل الرسول الكريم صلى الله عليه و سلم ( من راه منكم منكرا فليغيره بيده فان لم يستطع فبلسانه .....) اصبحنا عاجزين عن التغيير باللسان و ضعفت قلوبنا الم يسالوا الرسول الكريم عن من يحكم بعده و قال الرسول خذوا الامر شورى بينكم الم يكن يستطيع الرسول ان يحدد الاسم و لكن رسول الله من اول من دعا الى ان الحاكم يكون باختيار الناس و هذه هى الديموقراطية التى يطبقها الغرب و نساها المسلمون يا جماعة ساندوا الثورة لانكم بتستفيدوا من نتائجها بدءا من الأن الا تشاهدون احترام دول العالم الأن لنا و تعاطفهم معنا بعد ما كانت كرامة المصريين مهدرة فى الخارج اما فى الداخل الا ترون ان النظام بدء فى تقديم التنازلات و هذا يعنى ان موقفهم يضعف كل يوم و لماذا نرضى بالقليل و بامكاننا ان نحصل على الكثير و ان نسترد كراماتنا فى الداخل و الخارج الا ترون حجم الفقر و الجهل و الاجرام التى رباها هذا النظام اتطالبون الملايين بالرجوع الى المنازل بينما واحد فقط يرفض مغادرة كرسيه و لماذا هذا التمسك بالكرسى و لماذا لا تسالوه اين زوجته و اولاده الان انهم فى اجلترا يا سادة يا اخوانى اتعتقدون ان الحرية و الكرامة و الحياة الكريمة تأتى بدون دفع اى ثمن و انها تعطى كهبة مجانية ألم تملوا الانتظار لمدة ثلاثون عاما و لا جديد بل اننا نسير من سئ الى اسوء على كل الاصعدة و فى كل المجالات ارجوكم ارجوكم ساندوا ثورة شبابكم و كفى خوف و سلبية كفانا ذلا و مهانة هذه البلد العظيمة تستحق انت تكون فى المقدمة و ليس فى الذيل هبوا لنجدتها و حافظوا على ثورتها و ثورتكم , الى كل من يحب هذه البلد كفانا مصمصة فى شفاهنا و كم كنا نتمنى التغيير و لما بدءت لحظة التغيير ملئ الخوف قلوبنا منه اكنا نضحك على نفسنا ام ماذا !!!!!!!! اصحوا يا اخوانى من غفوتكم حانة الوقت لنحيا بكرامة و عزة و ان نتخلص من المفسدين و الطغاه و البلطجية و ان نضمن مستقبل كريم لاولادنا الذين كادوا ان يتيهوا فى غياهب المخدرات و البلطجة و السلبية و الخوف لولا هذه الثورة المباركة باذن الله ثوروا لوطنكم , ثوروا لمستقبلكم و مستقبل اولادكم يرحمنا و يرحمكم الله وتاكدوا ان من سقط فهو شهيد دافع عن الكرامة و الحقوق التى كانت مهدرة , و دافع عن مستقبلكم فلا تخذلوهوم لا تخذلوهوم لا تضيعوا دمائهم الطاهرة سدى

اعتقد ان الكلام اللي انت بتقوله برضه مايصدقهوش عاقل
المتظاهرين اللي عاوزين يخرجوا هما شباب 6ابريل اللي حسوا ان الثوره اتسرقت منهم
ولا انت ماسمعتش تصريحات علي خامئني انهارده

وعاوز اقولك ان مافيش خوف من التغيير وانا شخصيا مشيت في المظاهرات يوم 25 و 28 يناير
واتحققت الكتير من مطالبنا
اما الدور الباقي لينا فهو دور رقابي علشان نضمن تحقيق المطالب دي في اقصر وقت وعلي اكمل وجه

انا معاك ان البلد مليانه فساد وظلم
ولكن الواجب علينا نتصدي له بكل السبل

وماحدش يقولي ان مبارك لوحده رمز الفساد

لو خرج مبارك الان في ظل حاله الفوضي التي تشهدها مصر
لرأينا الصراع علي السلطه يمتد الي ان تصبح حرب اهليه