[MIDO-SPICY]

المشاركة الأصلية كتبت بواسطة maka المفروض يكون لينا موقف من الجهاتين دول الصحف القومية بتصريحاتها المستفزة للغاية و محاولة اخفاء الحقيقة و الشركات المحمول التلتة علشان اللى حصل منهم يوم 25 و اللى بيحصل منهم مع ابناء السويس انا عن نفسى همنع دخول الصحف الحكومية من بيتى و بالنسبة للاتصال هاستخدم التليفون الارضى و لو فى الشارع هشترى كروت ميناتل زى زمان و مش هستخدم محمولى الا فى اضيق اضيق الظروف ..... مش مهم هتعب شوية لكن علشان حق اللى اتطحنوا فى المظاهرات ميرحش هدر و علشان بلادى

المفروض يكون لينا موقف من الجهاتين دول الصحف القومية بتصريحاتها المستفزة للغاية و محاولة اخفاء الحقيقة
الصحف القوميه هى فى النهايه صحف حكوميه وتخضع للنظام بشكل كامل والعيب لو فى انها مش بتنشر الحقائق فالعيب ش فيها العيب فى اللى هيمنوا عليها وارهبوا اقلامها وفى النهايه انت ليك حق الاختيار فى شراء جريده قوميه او شراء جريده معارضه
و الشركات المحمول التلتة علشان اللى حصل منهم يوم 25 و اللى بيحصل منهم مع ابناء السويس
فيه بند ضمن شروط تاسيس وحق انتفاع الشركات دى مع الحكومه ان الشركات تخضع لاوامر الدوله فى حالة وجود ازمات سياسيةة او مشاكل قوميه
اللى حصل دا على عنيهم
انت عارف الشركات دى خسرت كام فى اليوم دا؟؟
انا عن نفسى همنع دخول الصحف الحكومية من بيتى
و بالنسبة للاتصال هاستخدم التليفون الارضى
انسى مش هتعرف اولا لان مابقاش حد قاعد فى بيته دلوقتى بحثا على اكل العيش وثانيا لاننا عودنا نفسنا كل اشغالنا تبقى عن طريق الموبايل وانت شفت ان مصر كلها كانت بتسرخ فى اليومين او الثلاثه اللى انقطع فيهم النت والموبايل
و لو فى الشارع هشترى كروت ميناتل زى زمان
هو لسه فيه اصلا كباين ميناتل .. ياراجل دا صدر قرار بتكهينها وبيعها خرده من سنتين وحتى لو لاقيتها قولى على كبينه واحده الشعب مازرهاش ولسه فيها حراره ولو لقيت الكابينه والحراره هتلاقى كروت؟؟؟
و مش هستخدم محمولى الا فى اضيق اضيق الظروف
شفت بقى يا برنس اديك رجعت فى كلامك وعلى فكره موضوع الظروف دا موضوع نسبى يعنى انت ممكن تكون شايف النهارده على موضوع انه هايف وبكره تلاقيه مساله حياه او موت
..... مش مهم هتعب شوية لكن علشان حق اللى اتطحنوا فى المظاهرات ميرحش هدر و علشان بلادى
مش بانك تقاطع الموبايل والجرايد.. بس ممكن تعمل حاجات تانيه كتير مثلا انك تعود نفسك انك ماتبقاش سلبى بعد كده فى الانتخابات مثلا او انك تقول رايك او انك ترفع الظلم عن حد وتقف ادامه او انك تستميت لو ليك حق منهوب او راح لحد تانى مايستاهلش
هو دا اللى هيخلى دم الناس دى مايروحش هدر