المشاركة الأصلية كتبت بواسطة lol64
صباح الفل ياميدو
انا باتفرج على عمر سليمان دلوقتى بيتكلم عالمصريه ايه رايك فى كلامه والحوار اللى عمله مع الاحزاب بعضها طبعا مش كلها ؟
|
بص يا لول الكلام مش هو المهم لان كلامه كان كويس جدا وانا حاسس ان الحكومه دى واخده الموضوع محمل الجد ولكن المشكله فى ازمه انعدام الثقه بين الحكومه والشعب واللى ظهرت للاسف بعد خطاب الرئيس بصوره كبيره بعد ما كلنا اتعاطفنا معاه ..
ولكن اللى حصل للناس اللى فى التحرير زود الفجوه فى الثقه بينا وبينه
ولعلمك مش كل اللى فى التحرير دلوقتى ليهم مصالح خاصه زى ما هو قال .. ولا هما مش بيحبوا مصر وبيقبضوا من ناس معينه بس هما ليهم وجهه نظر مختلفه عنا
هما فى الشارع بقالهم 10 ايام واتعرضوا لاعمال ضرب واهانه من الشرطه المصريه
وبعد كده شافوا بعنيهم اللى بيحصل فى البلد من نهب وسرقه يوم الجمعه اللى فاتت وبرضه الحكومه ماتدخلتش وبعد كده اتسلط عليهم ناس بلطجيه تقتل فيهم وشافوا بعنيهم اصحابهم واخواتهم واهاليهم وهما بينزفوا سواء بسبب الشرطه او مرحله الغياب الامنى او بسبب البلطجيه
كل دا نمى عندهم ثقافات كتير .. منها ثقافه الانتقام ومنها ثقافه ازاحه البلا اللى فى مصر متمثل فى رئيس البلد ومنها الاصرار على انهم مش جبناء ولا يرهبون بالطريقه دى واللى بيها بيوصولوا رساله للحكومه الحاليه واللى جايه بعد كده واللى بعدها ان طريقه الترهيب دى مابقتش تنفع مع الشعب المصرى