أمال ايه الحل ياترى
نسيب الناس دي هناك يقتلوا في بعض ولا ايه
ماهو لازم الناس دي تصحى وتفوق وتفهم ان اللي بيعملوه ده مش هيجيب نتيجة
الرئيس قال ان عمره ماهيتخلى عن مصر في محنة زي دي
وبجد ماينفعش يسيبها
طيب لو تخيلنا انه سابها
ياترى الناس المتظاهرين دول هيمشوا ؟؟؟
بالعكس دول هيفضلوا يتخانقوا تاني على اللي يمسك الحكم في مصر
وفي الأخر هيمسكها واحد من اللي له مصلحة وهيخربها أكتر واكتر وهيتعمل مظاهرات تاني
المفروض ان الناس دي تدي فرصة للحكومة الجديدة انها تبدأ تشتغل
مفيش حاجة هتحصل من يوم وليلة
وباعدين ما الرئيس حسني مبارك قال إنه مش هيرشح نفسه تاني لفترة قادمة
وهيعدل الدستور
وفعلاً غير الحكومة ودي لوحدها كبيرة أوي لو انتوا مش حاسين بيها
ربنا يهدي العاصي ويرشد الضال وكل الناس اللي ماشية مع الموجة دي تهدى
وتفكر بعقلها وتقول مين اللي له مصلحة في الأشتباكات دي