المشاركة الأصلية كتبت بواسطة amrmohamed1975
استاذ عماد اولا كامل احترامي لك و لكل من قال رايه فى هذا الموضوع ثانيا انا لست عضوا فى الحزب الوطني و لا من رموز النظام الحالي و لا من المستفيدين من الرئيس مبارك لا سابقا و لا حتي اذا بقي فى الحكم و اري من عنوان سكنك انك من منطقة قريبة من مكان سكني انا نزلت مظاهرات يوم الجمعة و ربنا كرمني بكام قنبلة مسيلة للدموع فى جسر السويس عند حديقة بدر و عندي الفيديوهات اللي صورتها للمظاهرات و ما حدث للناس من الشرطة و العكس و كنت ناوي ارفعها للناس عشان الكل يعرفوا ايه اللي بيحصل للناس اول النت ما يرجع لكن لقيت الدنيا بتولع يبقي ما ينفعش اولعها زيادة ليه لانها فى الاخر هتحرقني انا كمان و كمان ما ينفعش ان احنا هنا نبقي زي ميدان التحرير ناس تتدعي لنفاسها كل الشرف و العلم ببواطن الامور مع كامل احترامي لهم و ناس خونة و معندهمش ضمير انا لم اكن راضيا عن حكم مبارك على الاقل فى الفترة التي بدات اتنبه فيها للامور او اعتمد على نفسي يعني بعد ما خلصت تعلمي عايز شغل عايز شقة عايز اتجوز عايز اصرف على بيتي يعني فى 10 او الـ 15 سنة الاخيرة بس لو قلت انه ظلمني قبل كده ابقي كداب لان ساعتها كان عندي 15 سنة يبقي بلاش انا ادفع ثمن سكوت ابويا و ابوك دلوقتي حالا الدنيا ربنا سبحانه و تعالي خلقها فى 6 ايام كن فيكون بتاعة ربنا سبحانه و تعالي وحده و لا احد غيره دي دولة و نصيبنا انها كبيرة و لها ثقل مش نادي اتغلب فى مبارة و الناس عايزة تشيل مجلس الادارة او المدير الفني احنا بنقول كفاية لحد كدا خراب فى البلد سواء من هذه الفئة و التي نحترمها و حققت انجاز لم يحققه كل مدعي العلم و المعرفة و السياسة فى مصر طوال 30 سنة حتي بما فيهم مدعي المعارضة فى مجلس الشعب السابق او الذي قبله ، او تلك الفئة التي تنحاز للرئيس سواء عن حسن نية او سوء نية كانوا مأجورين او مغيابين مصر كلها بالتعبير البلدي كده رايحة سكة اللي يروح ميرجعش كفاية لحد كده و نقبل بالحوار ميدان التحرير مش هينقلوه من مكانه لسه موجود سيبوا الراجل يرحل بكرامة لاجل صورتنا كلنا امام العالم حاكموا من يستحق المحاكمة و من تسبب فى مهازل الايام السابقة و لكن من خلال الحوار البلد بتولع حرام نسيب الحكومة الجديدة و نشارك فى الحوار و نري حزمة الاصلاحات الدستورية و السياسية التي وعدو بها و اذا لم تتحقق نروح ميدان التحرير و كل ميادين مصر انما بهذا الشكل الذي سيأكل الاخضر و اليابس يبقي بنحرق نفسنا و عيلنا بأيدينا و اخيرا تقبل تحياتي
|
يرحل بكرامة!!!!!!!!!!!!!!!!!!! !!!!!!!!!!!!!!!
اذا السفاح رحل بكرامة في ارض الكنانة يبقى احنا بندي صورة واضحة للي حييجي بعده انه ممكن يعمل اللي هو عايزه في الشعب الطيب المبارك ده و يرحل بكرامة بعد ما يكون قتل و ذبح و سرق و نهب!
انت كلامك يخالف العقل و المنطق!
انا فعلا كنت اطالب برحيله الفوري و لكن بعد مجزرة ميدان التحرير اللي ابتدت بخيول و جمال و عصي معدنية و طوب و تطورت الى ... مولوتوف و مطاوي و سنج و سيوف الى .... رصاص مطاطي و قنابل دخان و قنابل صوت و عصي صاعقة اخيرا الى.... رصاص حي من قبل قناصة
الان الشعب كله يطالب بمحاكمته و اعدامه ! بس لأ مش هو بس! اعدام كل من شارك من ظباط الشرطه و امناء الشرطه و البلطجية و نائب الرئيس و رئيس الوزراء و حتى قيادات الجيش المتواطئ في الجريمة البشعه!
القاتل يقتل و لو بعد حين قسم الله على خلقه مع فارق بسيط! الذي مات و هو بيقول كلمة حق امام سلطان ظالم فهو شهيد! و الذي يقتل و هو يريق دم مسلم مؤمن مرابط ليقول كلمة حق بغير ضرر ولا ضرار فهو في الدرك الاسفل في الناس باذن الله