المشاركة الأصلية كتبت بواسطة BASSEM BESO
ياجماعه والله انا لا وطنى ولامعارض ولا اى حاجه من دى خالص ولاعمرى اشتركت فى مظاهره واحده حتى لأنى كاره النظام اللى ماشى بيه الحزب الوطنى اللى بلا معارضه طوال تاريخه وكفايه انه فيه الفاسد والحرامى والمغرور احمد عز يعنى اى واحد محترم ومصرى مينضملوش .
النقطه اللى بتكلم فيها وعايز اوصلهالكوا انه مينفعش نعامله المعامله دى مهما حصل يعنى الشعب صبر 30 عاما مش قادر يستنى 8 شهور لازم نستنى ونشوف ونحلل اللى حنشوفه واما يجى موعد الأنتخابات كل واحد يقول رأيه بصراحه وكده كده هو مش هيرشح نفسه تانى يعنى مفيش داعى لكـــــــــــــــــــــــ ـــل الكلام اللى المعارضين بيقولوه وعيب قوى كده ان احنا نشتم فى رئيس بلدنا لو انت تقدر تقول لوالدك امشى مش عايزك تانى يبقى قولوا على الدنيا والأدب السلام وانا على فكره عارف ان فى ناس كتيييييير جدا جدا مبيحيوش الرئيس عادى مفيش مشكله بس عبر عن رأيك بطريقه محترمه وعقلانيه وسؤال واحد عايز اسأله لكل معارض واتمنى الأجابه :
مين الشخص القادر على رئاسه مصر بعد محمد حسنى مبارك ؟؟؟؟؟؟؟؟؟؟؟؟
|
بص يا باسم ...
لو عندك دلوقتي واحد رئيس شركه ..
وعنده المديرين هو اللي بيعينهم
وهو اللي بيديهم التعليمات و الاوامر ينفذوها
وكل شويه يغيرهم و يجيب غيرهم ينفذوا تعليماته
وفي شويه مديرين كبار قاعدين بقالهم سنين يظبطوا نظام و لوائح الشركه حسب تعليماته
وبعدين طلع ان في فساد و رشاوي في الشركه
وشويه من الموظفين عملوا ثوره و قالوا ان الشركه بايظه
يبقى الحل ان المديرين الفاسدين يمشوا و ييجي مديرين جدد ينفذوا برضو نفس التعليمات و الاوامر
طيب لو صاحب الشركه كويس و المديرين هما اللي وحشين
لو هو مش عارف انهم وحشين .. يبقى غلطان وميستحقش يمسك الشركه ... لانه جاب ناس وحشه ضحكوا عليه
ولو هو عارف انهم وحشين .. تبقى مصيبه
قولي بقى المفروض الحل ايه
نسيبه يقعد شويه لحد ما يظبط لوائح و نظام الشركه
ونسيبه علشان بقاله 30 سنه ماسك الشركه
ونسيبه علشان رجل كبير في السن
ولازم نحترم الكبير مهما كان
حتى لو كان خربها وبوظها ... نسيبه لحد ما يخربها خالص !!
هو جايز يكون شايف انه مخلص و بيعمل الصح ...
لكن العبره بالنتيجه ... و النتيجه بعد 30 سنه بتقول .. ان الشركه بايظه و فاسده
وانه كبر و المفروض يكون طلع معاش من 10 سنين على الاقل
يبقى يفضل ... و لا يشوفو مدير تاني .. و لا يسيبوه لحد ما ربنا يفتكره