[Mohamed Elhasafy]

يا جماعة أنا معاكم فى إن الوضع لم يكن وردى و الدنيا حلوة
المشكلة إننا لو عملنا حصر لكل من حكم مصر مش هنلاقى أى شخص إتفق الناس على حبه و عدله
المشكلة مش فى الحاكم المشكلة فى كرسى الحكم اللى بيغير
ده سيدنا عمر لم يقبل الخلافة إلا بعد أن ضغط عليه المسلمين فقبلها على مضض و لم يغمض له جفن و فى النهاية أغتيل على يد أحد أعدائه و بمساعده بعض المنافقين يعنى سيدنا عمر خشى على نفسه من فتنة السلطة و خاف من يوم الحساب
فمعنى كده إن أى شخص هيمسك الحكم مش هيرضى كل الناس و هيبقى برضه له أعداء لإن الكمال لله عز و جل و زمن الخلفاء الراشدين إنتهى
برضه مش معنى كلامى إننا نرضى بالفساد و المهانه و لكن هذا الكلام شاهد على إن أى حاكم مش هيرضى معظم الشعب إلا إذا كان مهدى أخر الزمان
أنا إتعودت فى حياتى إنى أطلع أقصى ما هو جيد من المتاح عندى و بعتبر التغيير الكلى إنى بأرفع الراية البيضاء يعنى كأنى بأدوس cancel أمام مشكلة ظهرت ليا و مش عارف أحلها
و لو إن الكلام ده أوانه فات إحنا كان ممكن نعمل نفس الثورة دى لتحقيق مطالبنا و محاسبة الفاسدين
المشكلة إننا دلوقتى مانضمنش إن اللى هيمسك هيبقى عادل ولا سيعيث فى الأرض فساداً و حطوا كلمتى حلقة فى ودانكم (كرسى الحكم بيغير)