بعد التحية
وعودة الانترنت
والاطمئنان على سلامة الاخوة الاعضاء المحترمون
ارجوكم
كفاية كدا
كفاية تخريب
الراجل ماشي
متقولوش الكلام بتاع الناس اللي عايزينها والعه
الناس اللي ركبت الموجة
الناس دول احقر من عز والعادلي وجمال
الناس دول عايزنها تبقى خرابة
حنبقى زي الصومال
كل واحد مع الناس بتاعتة واخدين حتة
والاخر اسرائيل تخش تاخد الكل
ماحدش يقوللي اشمعني تونس
تونس مع اخترامي ليها
مالهاش حس ولا خبر في المنطقة
ماهاش دور في اي حاجة
مش فارقة مع العالم يمشي فلان ويججي فلان
لانها مش مطمع
احنا اللي مطمع
احنا دلوقتي الاعداء لعابهم سال علينا
كفاية ترويع
كفاية
خلاص الرسالة وصلت
ومبارك مش اهبل عشان يكرر غلطاتة السابقة
كلنا فاكرين انة لغاية 95 او 96 كان محترم وكان كويس
لغاية موضوع اديس ابابا
وبعدها غلط غلطة عمرة
انه وثق في ابنة
ابنة اللي غرقة
وبعدها ظهر العادلي على الساحة بعد حادثة الاقصر 97
وشوية وظهر التعلب عز
وبعدها اتغير شعار الشرطة
من الشرطة في خدمة الشعب
الى
الشرطة والشعب في خدمة الوطن
الناس دي ضحكت على مبارك
هتقولو عيب يحصل كدا
حاقول ايوة انا معاكم
انة سلك دقنة ليهم
بس مي مابيغلطش
عبد الناصر زعيم الامة مين ضحك علية
اعز اصدقائة
مين ورطة وغرر بيه
اعز اصدقائة
نفس اللي حصل لحسني
ابنة وعز والعادلي
كلاب لعابها سال علينا
بس حسني كويس
نصبر ونشوف
واعتقد ان الموضوع دا هايتكرر تاني بكل سهولة
الامن
السلام
الوطن
اللهم لا تسلط علينا بذنوبنا من لا يخافك ولا يرحمنا