المشاركة الأصلية كتبت بواسطة snoop
يا جماعة انا نفسى افهم حاجة الناس دلوقتى بقيت مظاهرة مويدين للرئيس مبارك فى المهندسين حالا
ومظاهرة تانية معارضين واحزاب واخوان واجانب فى التحرير طب ايه طلباتهم بالملايين!!
هيا الناس عايزة الوزارة الجديدة بضغطة زرار تخلينا اقتصاديا واجتماعية وماديا اقوى من امريكا ولا ايه (ده ربنا خلق السموات فى سبع ايام )انا مش فاهم هيا الناس مش قادرة تصبر ولا عايزين يخربوها وخلاص !!!
|
يا باشا الناس اللي خرجت تأييد للرئيس مبارك خارجيين لتأييده نفسيها واحتراما له لانه مهما كان كان من ضمن ابطال اكتوبر واعترافا بالجميل ( من وجهة نظرهم ) وكمان خوفا من الانهيار اللي ممكن يحصلنا لو مرة واحده مبقاش فيه سلطة والبلد فضلت لشوية النهيبة اللي كل واحد وز يقطع حته من التورتة ويطلع يجري او واحد ظريف يروح يستند بالامريكان ويجيبهم علينا ونقعد نقاوم الاحتلال الجديد 50 سنة كمان
اما اللي في الطرف الاخر لانهم غير راضيين عن النتائج اللي وصلتها الثورة الاخيرة وده طبعا غباء لان اللي عاوزينه غباء × غباء ليه بقى
1. عاوزين الرئيس يمشي (ماشي هيمشي )
2. عاوزين نحل مجلس الشعب والشوري لانه جاي بالتزوير ( ماشي هنحله )
3. غير راضيين عن تعيين نائب للرئيس ( ماشي هيمشي )
4. عاوزين دستور جديد
5. عاوزين مجلس حكماء منتخب وحكومة أئتلافيه
طيب ازاي
مين يحكم البلد
مين يمثلها
مين يمشي امورها ( حتى لو افترضنا انها اصلا مكنتش ماشية قبل كده خاااااالص )
وفي الاخر مين هما مجلس الحكماء وعلى اي اساس يتم اختياره
مين الحكومة الأئتلافيه وعلى اي اساس يتم اختيارها
محدش يفكر في الجيش يقعد اكتر من كده لان اذا الجيش طول في القاعدة جوه الحدود بره مين هيحميها
وقتها بقى هنلاقي الكيكة بتتقسم وكل واحد عاوز ياخد حته واللي مش هيقدر ياخد حته بالعافيه هيجري واحد على امريكا وواحد على بريطانيا وواحد على فرنسا وكل واح يقول الحقوني مش عارف اخدلي حته انا هعيطلكم
وطبعا ده كلام مرفوض تماما مننا الصغير قبل الكبير الفاهم قبل اللي مش فاهم