[MmFFoR]

المشاركة الأصلية كتبت بواسطة m.genedy احد اصدقائى اللى اتصلت بيهم بالامس مقيم فى التجمع الخامس وعند اتصالى به كان فى الشارع مع رجال وشباب الشارع يحمونة من الهجمات الاجرامية التى تعرضت لها منطقة التجمع الخامس المظاهرات حققت نتائج طيب يا اأ حمد نتائج ماكنا نحلم بها كلها شهور قليلة وتنتقل السلطة بطريقة سلمية الى حاكم جديد وغيرها الكثير من القرارات الايجابية التى كنا نحلم بتحقيق ربعها واهم هذة الايجابيات على الاطلاق هو ما اثبتة الانسان المصري عندما يثور المصري فلا شىء يقف امامة كانوا يظنوا انة شباب فيس بوك وبانجو وكرة قدم وبس الا ان العالم كلة كان شاهدا ان كل شاب مصري ماهو الا قنبلة ملغومة لن ينكسر تحت اقدام من يحاول ذلك ولكنة سوف ينفجر فى وجه اى جائر.. اليست هذة مكاسب ؟ المصريين عرفوا الطريق.. والبداية فقط هى تكون الصعبة ولكن الان وبعد ان تخلصوا من خوفهم لن يقف امامهم احدا.. صديقك الكائن فى ميدان التحرير اذا اراد الانصراف علية ذلك لن يمنعة احدا وهناك الكثيرين من اصدقائى كانوا متواجدين بالفعل ولكن وعندما ازداد ت المطالب وانحرفت قرروا الانصراف... اما عن الرئيس حسنى مبارك فأنا منما لاشك فية لا اثق انة لن يقوم بأعدام موقدى الثورة.. ولكنة شىء بالعقل كدة !! معقولة .. معقولة فى ظل هذا الكم الهائل من وكالات الانباء العالمية التى تقوم بتغطية الاحداث ان يقوم النظام بهذا الفعل؟؟؟ لا اعتقد... الرئيس يريد ان يذكرة الشعب بالخير وهو فى اخر ايام سلطتة وليس العكس.. فى المقابل انا مع اعدام كل من تطاول بعمل اجرامى فى حق البلد .. وايا كان مسئول امنى ..أمر الشرطة المصرية بالاختفاء من شوارع مصر او مسئول تساهل فى هروب المساجين وخاصا ال23 سجين من حزب الله او حتى البلطجية واللصوص الذين روعوا أمن المواطنين!! انا مع اعدام هؤلاء. فى سياق اخر وبخصوص الطيران جميع الشركات قامت بتغيير مواعيد الاقلاع على ان تصل للقاهرة فى وقت مناسب وليس فى نفس توقيت حظر التجول واذا وصلت اى طائرة فى توقيت حظر التجول يضطر الركاب للأنتظار لصباح اليوم التالى داخل مطار القاهرة ولا يسمح لهم بالخروج.. توصل مصر بالسلامة ان شاء الله يا أ احمد..

تعليق صغير
المطالبات ولا هي زادت ولا حادت زي كا حضرتك بتقول!!!!!!!
المطالبات من يوم الجمعة و هي بتقول من الصبح: الشعب يريد اسقاط النظام
و اخرى تقول : الشعب يريد اسقاط الرئيس!
ولا حد جاب سيرة احمد عز
ولا نظيف
ولا العادلي
ولا حد قال حتى لا للتوريث!!!
بلاش نعمل بلبلة! يا جماعة انا مش عارف حاسس يا اما انا غبي جدا يا اما انتوا مش من مصر اساسا
يعني 300 واحد يموتوا علشان تغيير وزاري؟؟؟ انتوا بتهزروا؟ ياريت تغيير و لكنه تعديل!!!! وزير الاعلام القذر احتفظ بمقعده!!!! وزيرة العمل احتفظت بمقعدها! دي مهزلة! وزير الخارجية اللي خلى المصري هو احسن واحد ياخد على قفاه على مستوى العالم! لسه وزير خارجية!!! انتوا عايشين معانا و اللا انا شايف اني متفاعل علشان خاطر ناس في وادي تاني؟؟
كل اللي حيفضل في ميدان التحرير شخص بيحب بلده و ذكي و خايف عليها!
كل اللي حيقول ادوله فرصه يبقى بيحلم